Шест дена за Божјите прекариПримерок

ДЕН 3: ЈЕХОВА ЏИРЕХ – ГОСПОД ЌЕ ОБЕЗБЕДИ 

Не си сигурен како ќе ги платиш сметките овој месец. Твојата врска виси на конец. Си слушнал дека се крати на работници во твојата компанија и твоето работно место е загрозено. Кога основата во животот е во прашање — здравје, финансии, засолниште, храна, фамилија, вработување — природно е да се чувствуваш преплашено, како да нема каде да се свртиш. Тоа е моментот кога треба да го побараш Јехова Џирех. Овој благословен Божји прекар значи „Бог ќе обезбеди,” ова е име исполнето со сила и моќ.

Кога сме исплашени за нашата иднина, ние мораме да се свртиме кон Бог и да бараме помош во Негово име. Секој добар и совршен подарок доаѓа од Него и нема граници за подароците и благословите што Тој ни ги обезбедува. Понекогаш нашата вера во Него е единствениот начин да ги смириме нашите стравови и да одржиме позитивен став.

Ова може да биде тешка лекција за учење, но искушувањата на земјата ги зајакнуваат нашите духовни мускули и не приближуваат до Бог. Преку нашите борби, Тој ни покажува од прва рака на кој начин ни дава простор да дишеме и светлина за да гледаме. Тој ни го дава точно тоа што ни треба за да го овозможи нашиот раст и влијание во Неговото царство. И секогаш ни го овозможува во духот на љубовта.