Во Нашето Место: Посветеност на Велигденскиот Пост од “Time of Grace“Примерок

Бидете храбри!

Неверојатниот осумдневен период од Цветници до Великденскиот ден се нарекува Светата Недела со стравопочит од благодарните Христијани. Таа е најголем излив на Божјо спасение што планетата некогаш го видела, надминувајќи ја дури и самата креација. Овој период ја опфаќа ништо помалку моќната победа на Спасителот над најстрашните непријатели на човештвото:гревот,сатаната,смртта,осудата и пеколот.

Во поголемиот дел од оваа недела,сепак, Исусовите ученици биле под тежок притисок. Многу од работите Исус што им ги кажуваше немаа смисла за нив во тоа време, а она што го разбраа не сакаа да го чујат. Во четвртокот од оваа неверојатна недела, тие ја прославија последната Пасха со Исус, потоа ја пробале првата дотогаш Причест и ги примија телото и крвта заедно со лебот и виното. Исус ги изми нивните прашливи нозе, еден по еден, како моќен приказ на слуга-лидерство.

Најголемиот дел од тие вечерни часови беа исполнети со подолга сесија на поучување. Тоа беше отрезнувачки преглед на војувањето и тешкотиите што ги очекуваа нив и секој кој отворено служи на Бога и Неговото царство. Но, тоа беше, исто така, мирно и спокојно објавување на конечната победа на сите оние кои беа врзани заедно со Исус во вера. "Овие работи ви ги кажав, за да имате мир преку единство со Мене. Додека сте во светот, ќе доживувате страдања. Но бидете храбри! Јас го поразив светот“(Јован 16:33).

Ова е надеж за сите верници денес кои воздивнуваат и се плашат. Библијата ни кажува дека нашите животи се скриени во Христа. Однадвор може да изгледа како да се губиме. Но тоа е илузија. Реалноста е дека нашите животи, нашите надежи, нашите врски се во Исусовите прекрасни раце. Кога вашиот живот е полн со проблеми, бидете храбри! Христос го надминал тоа. Тој победи; вие победувате. Издишете сега.