Надежта од БожиќПримерок

Не пропуштај го делото на Исус

Прочитај Јован 4:10.

Во овој момент има ТВ и радио сигнали насекаде околу тебе. Ако имаш приемник ќе можеш да видиш што има на тие бранови. Но само поради тоа што не ги гледаш не значи дека не се вистински. Едноставно не си приклучен.

Така беше и во Витлеем вечерта на првиот Божиќ. И покрај тоа што Витлеем имаше гостилница чија единствена цел беше да се грижи за патувачите, сепак немаше место во таа гостилница за најважното семејство патувачи во Витлеем таа ноќ.

Овој Божиќ, немој да пропуштиш една важна споредба од оваа приказна со нашето сопствено срце. Твоето срце е создадено да го содржи Бог. Ти си создаден од Бог и за Бог. Сè додека не го разбереш тоа, твојот живот нема да има смисла. За жал, ние ги исполнуваме нашите животи со други работи. Покануваме гости во нашите домови. Нашето срце е исполнето со други идеи, интереси, вредности, сакања и посветености.

Нашите животи се толку преполни што не сме ни свесни дека Исус се појавува околу нас. Бог се појавува во нашите животи цело време, давајќи ни прилики кои мислевме дека нема да ги добиеме, во сред проблемите кои не знаевме дека ќе ги имаме. Но често пати, ние едноставно не го гледаме Него.

Ова се случуваше во Библијата многу пати. Исус ќе се појавеше и ќе разговараше со луѓе кои никогаш не сфатија Кој беше Тој. Во книгата на Јован, Исус седеше покрај еден бунар кога дојде една жена до Него, барајќи вода. Таа не го препозна Исус. Всушност, таа навлезе во една религиозна дебата со Синот Божји! Тогаш Исус ѝ рече: „Кога би знаела за Божјиот дар и Кој е Оној што ти вели: ‘Дај ми да пијам,’ ти би побарала од Него и Тој би ти дал жива вода.“ (Јован 4:10) Но жената не го препозна Исус.

Бог работи насекаде околу тебе - не само во време на Божиќ туку и преку целата година. Дали е можно ти или луѓето кои ги сакаш да го пропуштат Него?