2 Коринтјаните 4:8-14
2 Коринтјаните 4:8-14 Свето Писмо: Стандардна Библија 2006 (66 книги) (MK2006)
Од секаде сме угнетувани, но не сме потиштени; во недоумица сме, не губиме надеж; нѐ гонат, но не сме напуштени; нѐ кутнуваат, но ние не пропаѓаме. И секогаш во телото наше ја носиме смртта на Господ Исус, така што и животот Исусов да се открие во телото наше. Зашто ние, живите, постојано се изложуваме на смрт заради Исус, та и животот Исусов да се открие во нашето смртно тело. Така смртта дејствува во нас, а животот – во вас. А, пак, бидејќи го имаме тој ист дух на верата, како што е напишано: „Поверував и затоа говорев“, и ние веруваме, па затоа и говориме, бидејќи знаеме дека Оној Кој Го воскресна Господ Исус и нас ќе нѐ воскресне преку Исус и ќе нѐ постави со вас.
2 Коринтјаните 4:8-14 Динамичен превод на Новиот завет на македонски јазик (MNT)
Од сите страни сме притиснати, но не сме поразени. Понекогаш сме збунети, но не сме без надеж. Прогонувани сме, но Бог не не оставил. Не соборуваат наземи, но не сме уништени. Преку страдањата на овие наши тела, ние постојано учествуваме во смртните страдања на Исус, за да се види и Неговиот живот во нашите тела. Живееме под постојани закани дека ќе не убијат поради тоа што проповедаме за Исус, за да може Исусовиот живот да се пресликува во нашите смртни тела. И така, додека смртта си ја покажува силата против нас, вечниот живот ја покажува својата сила во вас. Ние ќе продолжиме да проповедаме, бидејќи и ние ја имаме истата вера што ја имал псалмистот кога рекол: „Верував во Бог и затоа зборував.“ Знаеме дека истиот оној Бог, Кој Го воскресна Господ Исус, и нас ќе не воскресне. Потоа, и нас и вас, заедно со Исус, ќе не доведе кај Себе.
2 Коринтјаните 4:8-14 Библија: Стариот и Новиот Завет, Константинов (MKB)
Во неволја сме отсекаде, но не сме притеснети; во двоумење сме, но не губиме надеж; нѐ гонат, но не сме оставени; нѐ соборуваат, но не сме погубени. Каде и да одиме, секогаш го носиме Исусовото умирање во телото, па и животот Исусов да се покаже во нашето тело. Зашто ние, живите, секогаш сме предавани на смрт заради Исуса, та и животот Исусов да се покаже во нашето смртно тело. И така, смртта дејствува во нас, а животот во вас. А бидејќи го имаме истиот дух на верата, како што е напишано: „Поверував, затоа зборував,“ и ние веруваме и затоа зборуваме, знаејќи дека Оној, Кој Го воскресна Господа Исуса, ќе нѐ воскресне и нас со Исуса и заедно со вас ќе нѐ постави пред Себе.