ПСАЛМИ 75
75
Праведен Божји суд
1. Повикување на Божјо име
За началник на пејачи. Не погубувај! Асафов псалм. Песна.
1Те славиме Боже, Те славиме, и го повикуваме Твоето име, ги проповедаме Твоите чудеса.
2. Увереност во праведен суд
2„Кога ќе го одредам времето, ќе судам право. 3Па нека се стресе земјата со сите свои жители, Јас ги зацврстив нејзините столбови. 4Ги опоменувам дрските: ‘Не бидете дрски!‘ Безбожниците: ‘Не бидете толку рогливи! 5Не кревајте го својот рог против небото, не зборувајте дрско и тврдоврато!‘“
3. Бог е судија
6Зашто издигањето не доаѓа ниту од исток ниту од запад, ниту пак од пустината. 7Бог е Кој суди: овој го понижува, оној го возвишува! 8Зашто во Господовата рака е чашата полна со пенушливо вино, добро измешано; Тој напојува од неа, до капка ќе ја испијат и ќе ја исцедат сите злосторници на земјата.
4. Фала Му на Јакововиот Бог
9А јас ќе извикнувам радосно довека, ќе Му пеам на Јакововиот Бог. 10Ќе им ги скршам роговите на безбожниците, а роговите праведнички ќе бидат возвишени.
Селектирано:
ПСАЛМИ 75: MKB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Macedonian Bible: Old and New Testament, Konstantinov
Copyright © 1999, 2004, by Loukas Foundation ®
Used by permission of City Bible Foundation ® All rights reserved worldwide.