ПСАЛМИ 142
142
Молитва за помош при различни испитувања
1. Повик кон Господа
Давидово учење. Негова молитва, кога беше во пештера.
1Со сиот глас викам кон Господа, со сиот глас му се молам на Господа. 2Ги излевам пред Него моите поплаки, ја изнесувам пред Него мојата мака. 3Ако мојот дух изнемошти во мене, Ти го знаеш мојот пат.
2. Тешкотија и опасност
На патот, по кој минувам, потајно ми поставија примка. 4Ако се свртам надесно и погледам: никој не знае за мене. Нема каде да избегам, никој не се грижи за мојот живот.
3. Молитва за избавување
5Господи, кон Тебе извикувам; зборувам: „Ти Си мое прибежиште, Ти Си мој дел во земјата на живите. 6Послушај ги моите извици, зашто сум многу понижен. Избави ме од моите гонители, зашто се посилни од мене. 7Изведи ја од темница мојата душа, да Му заблагодарам на Твоето име. Праведници ќе се соберат околу мене, заради доброто што ми го укажа мене.“
Селектирано:
ПСАЛМИ 142: MKB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Macedonian Bible: Old and New Testament, Konstantinov
Copyright © 1999, 2004, by Loukas Foundation ®
Used by permission of City Bible Foundation ® All rights reserved worldwide.