Seemthawhnak 36
36
Esau ih Hrinsarle
1Hile hi Esau#36:1 Esau cu Edom tican. ih hrinsarle an ii. 2Esau ni a nupile dingah Kanaan mi a la hngai. Hit mi Elon ih tianu Adah; Hiv mi Zibeon ih tiapa Anah ih tianu Oholibamah, 3leh Ishmael ih tianu Basemath—Nebaioth ih tarnu an ii. 4Adah ni Esau cu Elifaz a hrin; Basemath ni Reuel; 5cun Oholibamah ni Jeush, Jalam leh Korah a hrin hngai. Hile hi Kanaan ram ah Esau ca-ih hrinmi tiapale cu an ii.
6Cuhnukah Esau cu a nupile, a tiapale, a tianule, cun a innsangmi an zate, a cawperun, a sumhnam, cun Kanaan ram sungih a ngahmi a ngeihsiah zate a thiarta hngai; culeh a naupa Jakob hemin a hlat nawn nak ah a thawntia. 7Icatile an ngeihsiahpawl cu hmunkhatih om dingahcun an tam tuk; an sumhnampawl ruangah an omnak hmunram ni a cawm hngai hang ti lo 8Curuangah Esau cu Seir tlang ram ah omhmun a khuar; Esau cu Edom a ii.
9Hile hi Edom mile ih puhram Esau, Seir tlang ram ih ommi ih hrinsarle cu an ii. 10Hile hi Esau ih tiapale ih min an ii: Esau nupi Adah ih tiapa Elifaz, Esau nupi Basemath ih tiapa Reuel. 11Elifaz ih tiapale cu Teman, Omar, Zefo, Gatam leh Kenaz an ii. 12(Timna cu Esau ih tiapa Elifaz ih nusun a ii; ani ni Elifaz cu Amalek a hrin.) Hile hi Esau ih nupi Adah ih tiapale an ii. 13Hile hi Reuel ih tiapale an ii: Nahath, Zerah, Shammah, leh Mizzah. Hile hi Esau ih nupi Basemath ih tiapale an ii. 14Hile hi Esau ih nupi Oholibamah, Zibeon ih tiapa Anah ih tianu ih tiapale an ii: Esau caah Jeush, Jalam leh Korah a hrin hngai.
Edom ram ih Hrinpawl leh Siangphahrangle
15Hile hi Esau ih tiapale ih hrinpawl an ii. Esau ih tiapa upa Elifaz ih tiapale cu: a hrin in Teman, Omar, Zefo, Kenaz, 16Korah, Gatam leh Amalek an ii; hile cu Edom ram sungah Elifaz ih hrinpawl an ii; anmimi cu Adah ih tiapale an ii. 17Hile hi cu Esau ih tiapa Reuel ih tiapale an ii; a hrin in Nahath, Zerah, Shammah leh Mizzah an ii; hile hi Edom ram sungah Reuel ih hrinpawl an ii; anmimi cu Esau ih nupi Basemath ih tiapale an ii. 18Hile hi cu Esau ih nupi Oholibamah ih tiapale an ii; a hrin ah Jeush, Jalam leh Korah; hile hi Esau ih nupi Oholibamah—Anah ih tianu—ih hrinmi an ii. 19Hile hi Esau ih tiapale, cun an hrinpawl cu an ii.
20Hile hi Hor mi Seir ih tiapale ram sungih omhlungle cu an ii: Lotan, Shobal, Zibeon, Anah, 21Dishon, Ezer leh Dishan; hile hi Edom ram sungah Seir ih tiapale, Hor mile ih hrinpawl cu an ii. 22Lotan ih tiapale cu Hori leh Heman an ii; cun Rotan ih tarnu cu Timna a ii. 23Hile hi Shobal ih tiapale cu an ii: Alvan, Manahath, Ebal, Shefo leh Onam. 24Hile hi Zibeon ih tiapale an ii: Aiah leh Anah; amah hi a pa Zibeon ih laakle a khalh hngai lioah hramlak ih cirh a tuak tu Anah khi a ii. 25Hile hi Anah ih tianaule an ii: Dishon leh Oholibamah—Anah ih tianu. 26Hile hi Dishon ih tiapale an ii: Hemdan, Eshban, Ithran leh Kheran. 27Hile hi Ezer ih tiapale an ii: Bilhan, Zaavan leh Akan. 28Hile hi Dishon ih tiapale an ii: Uz leh Aran. 29Hile hi Hor ih hrinpawl an ii: a hrin ah Lotan, Shobal, Zibeon, Anah, 30Dishon, Ezer leh Dishan; hile hi Seir ram sungih Hor hrinpawl a hrinhrin in an ii.
31Israel ram ah ahuhman siangphahrang diinhmun in an uk hlanah hile hi Edom ram sungah siangphahrang in a uk tu an ii. 32Beor ih tiapa Bela ni Edom a uk, a khualipi min cu Dinhabah a ii. 33Bela a thi ih Bozrah khuami Zerah ih tiapa Jobab ni siangphahrang diinhmun in a son. 34Jobab a thi ih Teman mipawl ih ram sungah a ommi Husham ni siangphahrang diinhmun in a hanson. 35Husham a thi ih, Moab ram ah Midian mipawl a neh hngai tu Bedad ih tiapa Hadad ni siangphahrang diinhmun in a son, a khualipi min cu Avith a ii. 36Hadad a thi ih Masrekah khuami Samlah ni siangphahrang diinhmun in a son. 37Samlah a thi ih Zufrates tipi kap ih ommi Rehoboth khuami Shaul ni siangphahrang diinhmun in a son. 38Shaul a thi ih Akbor ih tiapa Baal-hanan ni siangphahrang diinhmun in a son. 39Akbor ih tiapa Baal-hanan a thi ih Hadar ni siangphahrang diinhmun in a son, a khualipi min cu Pau a ii; a nupi ih min cu Mehetabel a ii ih, Mezahab ih tianu Matred ih tianu a ii.
40Hipawl hi Esau ih hrinpawl ih min, an phun tungtupawl leh an khuapawl zulin an minpawl an ii: a hrin ah Timna, Alvah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel leh Iram an ii; hipawl hi Edom#36:43 Edom ih pa Esau tican. ih hrinpawl, an ram ngeihmi ih an omnakpawl zulin nganmi an ii.
Селектирано:
Seemthawhnak 36: KHBF
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Khualsim Holy Bible © Bible Society of Myanmar, 2021.