MARIKO LITANGILIRA
LITANGILIRA
Kitabu chi Ivangeri kuli Mariko yang'oda kitangaa nu luvaso ndi, “Amakuva Malahi ga Yeso Kristo, Mwana wa Nyasaye.” Yeso alolekizwa kuva mundu wivikolwa kandi uwuvunyali. Uvunyali vwivwe vololekaa muliegiza lilie, muzingulu kukunga mademoni, kandi mu lisamiiha avandu uvwoni vwavo. Mu kitabu yiki, Yeso yilangaa umwene kuli “Mwana wa Adamu”, uwaza kuhaana livamwoyo lilie okovoholola avandu kutura mu vwoni vwavo.
Ivangeri yiyi eveeye inyimbi ku ziosi zine, na makuva gaveeye muyo amanyingi ganyoleka mu Ivangeri ya Matayo na Luka. Yiivara mu vwimbi miyinzi ja Yeso ijagira lidambizwa ni livambwa kuduuka ku likuza ni lisimuguka lilie niliva ho. Agekoleka ku lisiza liu vusaliri gaavugula ahimbi ekedonye kilala ku vivaga chi kitabu yiki. Kutura ku lilwaza lia Yohana Mubatizi kuduuka ku lisimuguka. Lidinyiriza liveeye ku vikolwa viokogenyia vio Mwana wa Nyasaye nivivaalwa mu vutambi. Luvaso lonene loveeye 10:45 - “Yaza kuhaana livamwoyo lilie live umutungu gwa vanyingi.”
Mariko mwene siyaali mulala ku aviigi likomi na vaviri mba; navuzwa Ivangeri yeeye, kuli avanyingi vavola, yaali yukutanga kong'odwa. Aga yang'oda goosi yaganyoola kutura ku Simoni Petero. Gavugilikaa ndi, kitabu yiki chang'odwa hagati hu muhiga wa 50 A.D. na 70 A.D.
Yohana ulangwa Mariko aganaganwa na valala kuva niyie muyaayi musoleri uwaali ho mu mulimi lwa Yeso yagumirwa (14:51-52). Kutura mu vikolwa via Avatumwa nu mu zibarwa, yaali Mwana wa Maria winyumba yeeye yaatumikirwa kuvuganira mu ni livugana liali mu Jerusalemi (Vik. 12:12). Yaali musiala wa Baranaba (Vak. 4:10) kandi Paolo yaamuvugula vazie mu logendo lwu kutanga kuzia kwilwaza Asia (Vik. 12:25) naduuka mu lidaala lia Periga. Niyie wagira Paolo niyaavukana na Baranaba ing'inga yo logendo lwa kaviri kuzia kwilwaza. (Vik. 13:5, 15).
Mariko yaali harara na Paolo ing'inga Paolo yang'odera Avakolosai kandi Filimona (Vak. 4:10; Filim. 1:24). Lwa Paolo yamwenyaa (2 Tima. 4:11), yaali na Petero (1 Pet. 5:13).
Agaveeye mu kitabu yiki
Litanga lie Ivangeri 1:1-13
Miyinzi ja Yeso mu Galilaya 1:14—9:50
Kutura Galilaya kuduuka Jerusalemi 10:1-52
Lisiza liu kumaliriza mu Jerusalemi 11:1—15:47
Lisimuguka lia Yeso 16:1-8
Liloleka kandi lingilizwa mu ligulu liu Mwami Yeso Kristo 16:9-20
Селектирано:
MARIKO LITANGILIRA: LOGOOLI
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©Bible Society of Kenya, 2019