Luka 17
17
Amasyu gamo amapala ga Yesu
(Mat. 18,6-7.21-22; Mar. 9,42-48; Mat. 18,15-22)
1Popapo alinkubabula abafundigwa bake alinkuti: Imbesyo syo sitikubuyaga ukwisa; loli hitata kuli uyu
2sikwisilangamo. Kwayaga kununupo umwene linga ulwala lwakungigwaga mmakosi mmyake, nukuti atagigwege munya-
3nja, ukukinda ukumpesya yumo mbanandi aba. Mwandege! Linga ugwamyinu atulile inongwa, unsokege; lelo linga
4apindwike, unswege. Nalinga ikutula inongwa kumyako kahano na kabili kwisiku, linga ikwisa kumyako kahano na kabili nukuti: Mbindwike, unswege.
5Popapo abatumigwa balinkuyoba kuMalafyale balinkuti:
6Ulitongelapo ulwitiko. Umwene uMalafyale alinkuti: Linga mwali nulwitiko ulunandi bo akaseke ka mutaka, po angali mukugubula unkuyu ugu mukuti: Kupuka#Kupuka, bamo bikuti kumbuka. ukibyale panyanja, po angali gukubitika.
7Muno muyilile umwe, ywani uyu ali nuntumwa uyu ikulima pamo uyu ikutima, uyu bo akotwike kungunda, isakumbulaga
8ukuti: Isaga mbibimbibi, tugala ulyemo? Kali atisakumbulaga ukuti: Undendekekesyege ifyakulya, gwifundikilile, umbombelege ukufika papo nikumalaga ukulya nukunwa, lelo
9po nungwe gwisʼulyege nukunwa? Bule lelo isakugwaga ulupi
10kuntumwa papo abombile sisyo alagiligwe? Bunobuno nanumwe, bo mubombile syosa isi mulagiligwe, mutigi: Uswe tuli batumwa abasitakubagila, buno tubombile syene sisyo syatubagile ukusibomba.
Yesu ikubabumbulusya aba bukoma kalongo
11Lumo lelo bo ikwenda ukubuka ku-Yerusalemu, alinku-
12kisania pakati pakisu kya Samaria nikya Galilai. Lelo bo ingile nkaya kamo, popapo balinkwaganila nagwe abandu
13kalongo aba bukoma, aba balyimile pabutali; balinkwinula ilisyu, balinkukolela balinkuti: Yesu gwe Malafyale, ulitupa-
14kisyaga. Umwene bo ababwene, alinkubabula alinkuti: Amubukege mukinangisyege kubaputi. Lelo bo bikubuka,
15balinkweluka. Yumo loli mmyabo, bo ibwene ukuti aponile,
16alinkugomoka, alinkuntufya Kyala nisyu ilikulumba; alinkwitaga mmalundi gake, alinkungwila ulupi; umwene ali
17nSamaria. Popapo Yesu alinkwamula alinkuti: Bakalyelu-
18sigwe kalongo? Lelo bali kugu bahano na bana bala? Bakagigwa nabamo aba bagomwike nukumpa ubukulumba Kyala,
19loli mwene yu nhesya uyu? Popapo alinkumbula alinkuti: Sumuka ubukege, ulwitiko lwako lukupokile.
Ukwisa kwa butwa bwa Kyala
(Mat. 24,26-28.37-41; Mar. 13,33-37; Luk. 12,35-40)
20Lelo bo abaFarisai bikundalusya ukuti ubutwa bwa Kyala bukwisaga ndili, alinkubamula alinkuti: Ubutwa bwa Kyala
21butikuboneka mmaso ukwisa; kangi batisakuyobaga ukuti: Keta buli kuno! pamo, buli kula! Keta, buno ubutwa bwa Kyala buli nkati mmyinu.
22Popapo alinkubabula abafundigwa bake alinkuti: Gikwisaga amasiku, apa mwisakunyonywaga ukuliketa ilisiku limo lya
23Nnyamundu, loli mutisakulibonaga. Po bisakubabulaga ukuti: Keta, kula! Keta kuno! Mungisakubukangako,
24kangi mungisakubakongaga. Buno bo apa ikimweku kya njasi kikumwekuka ukufuma kulubafu lumo lwa mwela, ukwakufika kulubafu ulungi, bo isakutendekaga bunobuno
25yope Nnyamundu pisiku lyake. Loli fikuti tasi akubilwege
26fiyo, nukusyokeligwa ningulilo iyi. Bo mumo syayilile mmasiku ga Noa, bo sisakuyaga na mmasiku ga Nnyamundu.
27Abene balyaga nukunwa, balinkwega nukwegigwa, ukwisakufika pisiku lilyo Noa ingililaga mungalaba; umwelesyo
28gulinkwisa nukubapyuta bosa. Bunobuno bo syali na mmasiku ga Loti; balyaga nukunwa, bulaga nukulisya,
29babyalaga kangi bayengaga; loli pisiku ili Loti asokengemo mu-Sodomu, po gulinkutima umoto ugu gongene nikibiliti
30ukufuma kumwanya, gulinkubapyuta bosa. Bunobuno lelo,
31bo sisakuyaga pisiku lya kubonekela Nnyamundu. Pisiku lilyo, uyu linga ali pamwanya panyumba, nifyela fyake fili nnyumba, yo angisakusulukaga nkufyega. Yope na uyu ali
32mungunda, angagomokelaga kunyuma. Amukumbukilege
33panka-Loti. Uyu linga ikulonda ukubuponesya ubumi bwake, yo isakubupesyaga; loli uyu linga ikubupesya, yo
34isakubuponesyaga. Nikubabula une nikuti: Ikilo kikyo, bisakuyangapo abandu babili pakitala kimokyene; yumo
35isakwegigwaga, uyungi isakulekigwaga. Abakikulu babili bisakusyaga pamopene, yumo isakwegigwaga, uyungi isakule-
36kigwaga. [Abandu babili bisakuyaga mungunda, yumo
37isakwegigwaga, uyungi isakulekigwaga.] Popapo balinkumwamula balinkuti: Kugu Malafyale? Umwene alinkubabula alinkuti: Apa gulipo umfimba, po apa gikubungana iminombo.
Селектирано:
Luka 17: NYY
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Nyakyusa Ngonde New Testament (Ulwitikano Ulupya) © United Bible Societies, 1966.