Luka Enjil 2
2
Bag. 2.
1Man ugrosirgon amur wer belsum Agustus gaisarnaiton, zooli tenna hukumtogoor dal mallegi baajtakkiran. 2In baccigon bacci koyal ter esu(m), jeritakkel Kirenius Shamna waali esingon. 3Zool malle taalossan, weer nutin tenna medinegir, baajtakkiri an.
4Yusifkon Jelilloton kujsum Nasirana nejarton Yehudiyegir, Dawudna medinegir, Betlahm an awerander, Dawudna kaarton wide tenna zoolirton engad, 5Meryem tenna en hatbebulgodon baajtakkiru an. Tekkon meew esu(m). 6Tir mandori erangon Meryemn uskarna ugrosi bidaasan. 7Tenna tood kagagi wide uskisu(m). Tekki wide gaarosirgi muhwelweerro uskured aagsu(m), agarweekki kaar elmendigi.
8Man agarrogon egedigi aa iiwili weeri daasan, guucir aagili weeri, tinna egedin doohigi harseerangon uguun tuugi. 9Artina malaykaweer tirgi beltidirsu(m). Wide artina mejid tinna hawaleendo ullisu(m). Inged sarkee duul weerro toosan. 10Malayka tirgi weetidirsu(m): „Sarkimenwe! Minee ay irgi habar seree weekked bi beshireeri(n), guratti duul weerdiged. Tekkon gebila mallen daanin. 11Olongu Dawudna nejar irgi bosil wer uskibutidirin. Tekkon komisbul tirti teran. 12Ingon inna amara teranin: Iri affitoddekki garbungon wide muhwel werro bungon bellun.“ 13Wide lehdayen malaikagodon simena keli weri ta bel artigi sebihe wesan: 14„Dogochir mejid artindum, wide gendarkon ariddogor, zoligedgon guratti.“
15Malaikari tinnaiton simegir nograngad ogji egedigi aïwili wesan ittiwrigodon: „Tale ju nallu Betlahmir malaika argi wedecchirsingi.“ 16Turungeged targi elsan Meryemgon, Yusifkon, wide affitodtongi muhwello bungon. 17Tekki eledirgi wide wetidirsan were tir gijirsangi; in affitodna gisar. 18Wide gijrel male ajibesum tirgi wetidirsanged egedigi aïwili. 19Ama Meryem in werechi malegi tenna ar abokkirsum. Wide ajiletegsum.
20Terin agabir egedigi aïwili leftossan, artigi amejiderangon wide asebiherangon, gijirsan maleged wide nalsanged, tirgi malaikari wetidirsan nawre.
21Ugros idu timosingad affigi jilbagi mertirw an attasan. Wide Yesuw an undursan, malaika wetirkosin nawite, elgon tur tomeningon.
22Tenna erbaïn ugroski kikossinn agabir Musena sheriana mujibir affitodted Urushalimgir kuj targi tekki artigi owolgirtirsan, 23artina sheriar bajbun nawre: „Ondi tugi kusil male artina gadisebul an buwetakkin.“ 24Wide gojir wekkon owolgirsan artina sheriar webun nawre: „Kur ow ekin, walagon mine farah ow ekin.“
25Id wekkon Urushalimir dasum. Tenn erigon Siman esan. In idton id sewa wer esum. Artigi asarkil wer esum. Tekkon Israelna taberarki erjedagsum. Newerti gadisebulged wesebusum. 26Newerti gadisebulgonged wahyebusum ter diarki nalmeningi artina komisbulgi nalmentag. 27Newertiged kiyed jamar tasum, affiged tosangodon timbabkon wide tinengon, sheriar webulgi kikeru an.
28Siman tenna ichin dogor affigi aredirgi wide artigi barkos wesum: 29„Eleken, wo arti, wide, enna nugudti wakos tenn alen gugir juw an, er wesin nawre. 30Mine anna misichi enna osarki nalossan, 31er awsingi gebilachi malena koin owollo, 32dawi umachin dogor bulilgi, wide enna gebila Israelna mejidti.“
33Affina timbabkon wide tinengon aajibesan tedder wetakkelged.
34Siman tirgi barkosir wide Meryem tinengi wetirsum: „Ahan in uskitakkisum digrichi werina imbelarkon wide digrarkonna jiradilo Israello, wide gutarna amarayanna jiradilogon. 35Wide ekkon enna kidir, siwid wer ennewertigi bishegin. Ingedgon achi digrichi werin ergi bibeltaran.“
36Mandogon dasum en nebi wer Anay an aweran wer, Fanuelna buru, Asema gebilarton. Wide desen durw esum. Tenna fetakanen agabir tenn idtodon jen kolodti dasum. 37Ana wide jen tamanini kemiski azabayan kewidsum jaman tur wakementag uguged ugrosked abdengon, dertiged wide artina beddarkedgon.
38Ter mani wattigi kute tebos artigi sebihos wide affiged bain wesum Urushalimna osarki erjedagili malegodon.
39Aawran malegi kikossann agabir, artina sheriana mujibir, Jelilgir wide bidasan tinna neja Nasirar.
40Affigon wide akeyisum wide akogoransum newertiged, erigked eyos. Widegon artina nima tendogor kurbusum.
41Tekki uskeligon jen nutin basana korer Urushalimir ajusan.
42Jen diminde owigi duredingad Urushalimgir kuj tasan, korer aawsan nawre.
43Koren ugrosi bajrangad Yusifkon tinengon leftossan. Ama ogicchod Yesu Urushalimir kewdossum, tekki uskeli iyirmendangon. 44Tirgon tinn ergir awesan: „Talebuligodon dan an.“ In ergir darangon ugrosna gu wekki talin tasan. Teddogon tekki kasshan tiwrichin barer. 45Wide elmentag lefte tasan Urushalimgir, tekki kashirw an.
46Ugros toskigi akasshann agabir, jaman tur tekki ta elsan, akurkidilina seler agingon, wide tirgi agijriringon, wide isigiringon. 47Tekki gijrel malegon sawossum tenn erigkatikaneged wide tenna widegrarked. 48Tekki nalosirgi tinen tekki wetirsum: „Er ma, anna tod, ikke arged awu? Ahan imbabkon wide aigon ekki marsigidted akasshum.“ 49Ter tirgi wetidirsum: „Won ir ma aigi akashrun? Iri ebeden iyirkomnun ai abona kar bikewidringi?“ 50Tir were ter wetidirsingi fehmekomnan.
51Terin agabir tirgodon shugur Nasirar targi tinn in togor dabusum. Tinengon agijirsin malegi tenna ar abokkirsum.
52Ama Yesu akeyisum erigked wide nosogidted. Wide artigon zoligonnai dolbusum.
Селектирано:
Luka Enjil 2: XNZ1912
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Published by the British and Foreign Bible Society in 1912.