Броеви 35
35
За градовите на левитите
1 #
18,20-24; Ис.Н. 21,1-42; Ез 48,13 И му рече Господ на Мојсеј во Рамнината Моавска кај Јордан, спроти Ерихон, велејќи: 2#3 Мојс 25,32-34; Ис.Н. 14,3-4„Заповедај им на синовите на Израел да им дадат на левитите од добиените делови во владение свое градови за живеење; и поле околу градовите дајте им на левитите; 3во градовите ќе живеат тие, а полето ќе биде за добитокот нивни, и за сите други нивни животни. 4Полето околу градовите што ќе им го дадете на левитите, треба да се простира од градскиот ѕид (две) илјади лакти наоколу. 5#Ис.Н. 3,4; 2 Лет 11,14И измерете надвор од градот: откај исток – две илјади лакти, откај страната на југ – две илјади лакти, и страната откај запад – две илјади лакти, откај север – две илјади лакти, а во средината да биде градот; такво ќе им биде полето околу градовите. 6#5 Мојс 4,41-43Меѓу градовите што ќе им ги дадете на левитите, шест града нека има за засолниште, каде што ќе дозволите да избегаат оние што убиле; и освен нив дајте им уште четириесет и два града: 7сите градови што ќе им ги дадете на левитите, да бидат четириесет и осум града со поле околу нив. 8#26,54И кога ги давате градовите од владението на синовите израелски, давајте од поголемото – повеќе, од помалото – помалку; според наследството свое што ќе го добие, секое колено нека им даде од своите градови на левитите.“
Градови прибежишта
9И му рече Господ на Мојсеј, велејќи: 10#5 Мојс 9,1; Ис.Н. 2,1„Кажи им на синовите на Израел и речи им: кога ќе минете преку Јордан во хананската земја, 11#2 Мојс 21,13изберете си градови што ќе ви бидат градови прибежишта, каде што би можел да избега убиец, кој убил ненамерно. 12#2 Сам 14,11И тие градови нека ви бидат засолниште од одмаздникот, та да не биде погубен оној што го извршил убиството, пред да излезе на суд пред народот. 13А градовите што ќе ги дадете, градовите за засолништа, треба да бидат шест: 14три града дајте од оваа страна на Јордан и три града дајте во хананската земја; тие треба да бидат градови прибежишта. 15Тие шест градови да бидат засолништа за синовите на Израел, за придојдениот и за преселениот меѓу вас, за да избега во нив секој, кој убил човек не сакајќи. 16#2 Мојс 21,12Ако некој удри некого со железен предмет и тој умре, тој е убиец: убиецот да биде убиен; 17и ако некој удри некого, фрлајќи камен со рака, и тој умре од каменот; тој е убиец, убиецот да биде убиен; 18или ако удри со дрвен предмет со рака, па тој од тоа умре, тој е убиец, убиецот да биде предаден на смрт. 19Одмаздникот за крв сам може да го убие убиецот: штом ќе го сретне, може сам да го умртви. 20#2 Мојс 21,14Ако некој турне некого од омраза, или со умисла фрли на него нешто, така што тој да умре, 21или поради злоба го удри со рака, па тој умре, тогаш оној што удрил да биде убиен, тој е убиец; одмаздникот за крв може да го умртви убиецот штом ќе се сретне со него. 22#2 Мојс 21,13Ако го турне, не сакајќи, и без непријателство, или фрли на него нешто без умисла, 23или, без да види, откачи некој камен одозгора што може да предизвика смрт, така што оној умре, но тој не му бил непријател и не му мислел зло, 24тогаш народот да го реши делото меѓу убиецот и одмаздникот за крв според оваа наредба; 25#2 Мојс 28,41; 3 Мојс 21,10-15и народот да го спаси убиецот од раката на одмаздникот за крв, и да го врати во градот на неговото засолниште, каде што избегал тој, за да живее таму до смртта на големиот свештеник, кој е помазан со свето масло. 26Ако убиецот излезе надвор од градот за засолнување, каде што избегал, 27па одмаздникот за крв го сретне надвор од границата на градот прибежиште и го убие, нема да биде виновен за крвнина, 28зашто оној треба да живее во градот на засолништето свое до смртта на големиот свештеник, а по смртта на големиот свештеник убиецот ќе може да се врати во земјата каде што живеел. 29Тоа да ви биде законска наредба во поколенијата ваши, по сите ваши живеалишта. 30#5 Мојс 17,6; 19,15; Мт 18,16; Јн 7,51Секој кој ќе убие човек, може да биде казнет со смрт, ако против него сведочат свидетели; но еден сведок не е доволен за осудување на смрт. 31#Пс 49,7; Јов 6,22; Изреки 13,8И не земајте откуп за душата на убиецот, кој е виновен за смртта – него предавајте го на смрт. 32И не земајте откуп за избеган во град за засолнување, за да му дозволите да живее во земјата своја, пред смртта на великиот свештеник. 33#1 Мојс 4,10; 9,5-6Не осквернувајте ја земјата, на која живеете; зашто крвта ја осквернува земјата, а земјата не се чисти од пролеаната крв поинаку, освен со крвта на оној, кој ја пролеал. 34#2 Мојс 29,45; 3 Мојс 18,24-25Да не ја осквернувате земјата, на која живеете, во која помеѓу вас се населив и Јас; зашто Јас сум Господ, Кој живее меѓу синовите на Израел.“
Селектирано:
Броеви 35: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006