2 Летописи 15:1-7

Тогаш Духот Божји слезе врз Азарија, син Одедов. Тој излезе да го пресретне Аса и сите Јудејци и Венијаминовци, и им рече: „Послушајте ме, Аса и сите Јудеј­ци и Венијаминовци: Господ е со вас, кога сте вие со Него; и ако Го барате, ќе Го најдете; ако, пак, Го оставите, и Тој ќе ве остави. Долго време Израел беше без вистински Бог, без свештеник да поу­чува, и без закон; но кога во притеснетоста своја се обрати кон Господ, Бог Израелов, Го побара и Го најде. Во тие времиња немаше мир ни за оние што излегуваа, ни за оние што вле­гуваа; зашто имаше голема збрка меѓу сите жители земни; народ се биеше со народ, и град со град, затоа што ги потресе Бог со се­какви неволји. Но вие држете се цврсто, и рацете ваши да не ослабуваат, зашто ќе има награда за делата ваши.“

Бесплатни планови за читање и побожни текстови поврзани со 2 Летописи 15:1-7