Популарни Библиски стихови од uYoohani 16

Сподели

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

Kufishila ishi mutalaavile naashimo kwi izina lyane. Mumulaavhaje uMulungu, pe woope kwe avhapanje. Kwi idala ilyo, kwe mujendeelele kuvha nu luseshelo nkaani mu mooyo giinyu.”

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe. Lwe uMutuuli uyo ayinza, alivhalolesyaga avhantu avha mu nsi kuuti vhatalamalandu, nu kuuti ine ne mugolosu, havhili nu kuuti uMulungu aliyinza kuvhalonga.

Vhwevhulo, niimwe muli nu vhuswimiilizu ahavhaliilizyo iha, ileelo kwe ninze havhili kuli imwe, pe kwe muvhe nu luseshelo mu mooyo giinyu. Ataliipo we aliyeefwa uluseshelo ulwo mu mooyo giinyu. Havhili lwe ahavhaliilizyo iho haafiha, te muhandaavhe naashimo. Nalyoli nkuvhavhuuzya kuuti, zyonti zye mukumulaavha uTaata uMulungu kwi izina lyane, aliivhapa.

Nalyoli nkuvhavhuuzya kuuti, imwe kwe mukuute nu kuloosya, ileelo avhantu avha mu nsi umu kwe vhaseshele. Kwe muswimiililwe ahavhaliilizyo hansi, ileelo uvhuswimiilizu vhwinyu kwe vhugalunkane kuvha luseshelo.