Популарни Библиски стихови од uYoohani 15

Сподели

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

Mujendeelele kuvha pooka niine, niine kwe njendeelele kuvha pooka niimwe. Inza vwe ulusamba lutangaahoma amantonongwa lweka ishisita kuvha mwi impensya, niimwe mutangavhomba zye zikumuhondezya uMulungu ishisita kuvha muhati yaane.

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Ataliipo umuntu we ali ni shikunzi ishipiti kuluusya ishikunzi isha muntu we akwitiha kufwa kuzya vhamanyani vhaakwe.

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Ululajizyo lwane kuli imwe lwa kuuti, mukundanaje inza vwe niine mbakunzite imwe.

Inga mukuhoma amantonongwa aminji, nu kuvha mwe vhasundikwa vhaane avha nalyoli, kwe mulolesyaje apazelu uvhushindamu uvhwa Taata waane.

Pe uYeesu ahajendeelela kuvhasambiilizya avhasundikwa vhaakwe kuuti, “Ine indi inza ikwi ilya impensya ilya nalyoli, uTaata waane ali inza umulimi.

Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

“Navhavhuuzya zyonti izyo, inga muvhe nu luseshelo inza ine, havhili museshelaje nkaani.

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Ishi nkuvhalajizya imwe kuuti, mukundanaje.”

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.