Популарни Библиски стихови од 1 ПЕТРОВО 1

Сподели

Благословен да е Бог, Таткото на нашиот Господ Исус Христос, Кој по Својата голема милост, преку воскресението на Исуса Христа од мртвите, нѐ роди одново за жива надеж, за непоминливо наследство, и неизвалкано, и кое не вене, запазено во небесата за вас

Во ова радувајте се, макар да сте сега за малку наскрбени, ако е потребно во разни искушенија, та вредноста на вашата вера, која е поскапоцена од пропадливото злато - кое се испитува во оган - да се покаже, за пофалба, слава и чест, при откровението на Исуса Христа

туку според Светецот, Кој ве повика, бидете и самите свети во целото свое држење, зашто е напишано: „Бидете свети, зашто Јас Сум свет.“

Како послушни чеда, не управувајте се според некогашните страсти, кои ги имавте во своето незнаење

Затоа, препашете ги бедрата на вашиот ум, бидете трезвени, имајте полна надеж во благодатта, која ќе ви биде донесена при откровението на Исуса Христа.

Зашто „секое тело е како трева, и сета нејзина слава како цвет од трева: тревата се осушува и цветот ѝ опаѓа, а Господовото слово останува довека.“ А тоа е словото, кое ви е објавено како Евангелие.