Популарни Библиски стихови од Yʉánɛs 16

Сподели

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Jɔ̌ʼ Sísǐm Ótyeetye ópyâl ɨ́ bɨ̌n yɨ́, nye ólɛ̂ʼle bɨ́n otyeetye wɨ́wɛ̂h. Nye álwib e nkul nyé nye omér. Nye ólɨlɛ́ɛ ó, sá nyé á pa jóʼo yɨ́. Nye ólɛ́ɛ bɨ́n sá yé ósyɛ́ɛ yɨ́.

Nzě kumo ɨ́ báánâ, bɨ̌n bé apǎ gwâm sɔ̂ʼ, lɨ́ ejɨʼla e Sɔ́ŋ wǎm, pɨr e díé lâm. Gwámáá gâ, bɨ̌n bé óbi. Bisʉhʉʉ bín, byé díʼee ntinɨ̂ e ntinɨ̂.

Mě lɛ́ɛ́ bɨ́n lɨ́ otyeetye ó, embɨa, lé ɨ́ páʼ wɨ́n ó, me tôʼ. Mé bé atô nɛ́ɛ: lɛ́ɛ́, kɔmlʉ wɨ́n, nye ánze kwá nyɨ́n. Nó ó, mé sí tô nɛ́ɛ: me ntɨh bɨ́n nyǎ. Jɔʼ nyé ópyâl yɨ́, nye ónzě dwe bʉ̂r ó sí yɨ̂ʼ milɛ́ʼlá ó: ɨ́ sá dí “syóm” yɨ́; ɨ́ sá dí “otîtyěl” yɨ́; le ɨ́ lɔ̌b “tíʼá mílɔ̌b”.

Jwɨʼ gwár, ɨ́ báánâ, menyʉ̂l, mɨ́ tyɛʼ bɨ́n. Nó ó, me óbáʼǎ bee bɨ́n, bɨ̌n bé ojóʼo bísʉhʉʉ. Abe e mʉr ókǎ pɛʼ bɨ́n byǎ ɨ́ miléme. «Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Mě lɛ́ɛ́ bɨ́n lɨ́ otyeetye ó, bɨ̌n bé ójɨ médwê, bʉr ó sí bɨ́ɛ, bé óbe lɨ́ esoho. Menyʉ̂l, mé ótyɛʼ bɨ́n. Sâ gwár, ebúʼ lɨ́n laá, lé ókǎ liŋa ó bisʉhʉʉ.