Популарни Библиски стихови од Yʉánɛs 15

Сподели

«Me ó dí etín é raisin. Bɨ̌n bɨɛ bé ó milɔ́ɔ́ mí tɨ̂. Mʉr dí ɨ́ mpúhlá e me nyá ó dí egúmo mpúmó menkû menkû, ebě, mé bé abe tɨ̂ʼ nó, bɨ̌n bé abe e nkul esâ yʉ́ʉ́ mpǎŋ sɔ̂ʼ.

Diʼee gá ɨ́ mpúhlá e me mpʉ mé ntémé dí ɨ́ mpúhlá e bɨ̌n yɨ́. Lɔ́ɔ́ raisin, wé abe e nkul egúmo mpúmó wé omér, anara le etín lé. Bɨ́n óbe, adi ɨ́ mpúhlá e me nɛ́ɛ: lɛ́ɛ́, bɨ̌n bé abe e nkul gúmó mpúmó.

Bɨ́n ódi ɨ́ mpúhlá e me, mekǎn mâm lóŋlo bɨ́n ɨ́ miléme nó, díʼéé gá sá yɨ́yɛ̂h bɨ́n ngá kpɛl yɨ́, yé osyɛ́ɛ kwá nyɨ́n.

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Kpɛ̌l dí ɨ́ buú bwaʼ yɨ́, yé ó yaá mʉ̂r dí edwě twiʼ yé lɨ́ esú lé ósó bé nyá.

Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Me lɨ́ elíʼe bɨ́n etié ó, kpɛlaa gá páʼ nyɨ́n mpʉ mé á pa kpɛl bɨ̌n yɨ́!

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

«Me ó etín é raisin. Sɔ́ŋ wǎm ó dí mbel tɨ̂.

Mʉr dí apûhla e me nyá, ómyahɔɔ̌ kʉ̌l mpʉ̌ lɔ́ɔ́ raisin dí emyahɔɔ yɨ́. Wé lɨ́ eswâh. Bé ntɔ̂ʼ syɛŋ mílɔ́ɔ myaá, guhɔɔ myé lɨ́ ebéʼé é siʼe. Myé ntɔ̂ʼ síe lɨ́ edíʼe.

«Mě lɛ́ɛ́ bɨ́n nó ó, bɨ̌n sóhaa mpʉ mé dí esoho yɨ́. Mě kpɛl ó, bisʉhʉʉ bín, byé díʼee ntinɨ̂ e ntinɨ̂.

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Etié mé dí elíʼe bɨ́n e lé lɨ́, lé ó: bɨ̌n kpɛ́laa páʼ nyɨ́n.»

Yé bé bɨ̌n bé á be ó bʉr ó sí yɨ̂ʼ nó, lɛ́ɛ́, bʉr ó sí, bé lɨ́ ekpɛl bɨ́n, ebě, bɨ̌n bé á gwa be ó mbi bʉ̂r wɔ́ɔ́. Sâ gwár, me á be ɨ́ twâr bɨ́n, pɛʼ bɨ́n ɨ́ sɔ́má bʉ̂r ó sí yɨ̂, ó bɨ̌n ayɨ́ kǎ gúmo e sí yɨ̂. Sɨ́ǎ yaá ó bʉ̂r ó sí yɨ̂ʼ mû sí bene bɨ́n yɨ́.