NY ANARANY DIA “ANDRIAMANITRA MOMBA ANAO”!

“... noho ny anarany Izy.” (ny Baiboly, Salamo 23:3)

Tiko ilay hira izay milaza, “Ny Anaranao dia fiainana, ny Anaranao dia fanantenana ato anatiko… ny Anaranao dia fitiavana, fitiavana izay mahita ahy foana…”

Manasa anao aho mba hahita ny anaran’Andriamanitra maromaro ao anaty Baiboly. Makà fotoana hijerena ny anarana tsirairay ary saintsaino avy ny adinin-tsoratra masina :

Izy dia El-Shaddai, Andriamanitra Tsitoha : amin’izany anarana izany Andriamanitra, dia maneho ny tenany ho Andriamanitra izay manana ny hery rehetra any an-danitra sy ety an-tany. Na dia manambara ny maha Tsitoha an’Andriamanitra aza izany, dia tsy tokony handray izany hiteraka fahatahorana ho antsika isika. Fa kosa hahita izany ho fahatalanjonana sy feno fankasitrahana ny amin’ny sitrapony tsara ho antsika..

“Ary rehefa sivy amby sivi-folo taona Abrama, dia nisehoan'i Jehovah izy ka nitenenany hoe: Izaho no Andriamanitra Tsitoha; mandehana eo anatrehako, ka aoka ho tsy misy tsiny ianao. .’” (Genesisy 17:1)

“Ary Andriamanitra niteny tamin'i Mosesy ka nanao hoe: Izaho no Jehovah’” (Exodosy 6:2)

Izy no YHWH Rapha, Jehovah izay manasitrana, (na “ny Tompo izany manasitrana anao”): Mandrakotra sehatra samihafa ny fanasitranana ao anatin’ny Baiboly, eo ny ara-panahy ary eo ny ara-batana. Nanasa ny Israelita Andriamanitra mba hahafantatra fa Izy irery ihany no afaka manasitrana azy ireo. Izy irery, tamin’ny Fitiavany, no manome fanasitranana azy ireo sy nikarakara ny tao anatiny. (Exodosy 15:25-26)

Izy no YHWH Nissi, Jehovah no Fanevako: Andriamanitra no Ilay manambara ny tenany ho faneva, fanevan’Ilay iadian’ny vahoakan’Israely. Andriamanitra dia maneho ny tenany eto amin'ny maha-Andriamanitry ny fahamendrehana, ny tanjaka, ny herim-po ary ny fandraisana anjara. (Eksodosy 17:8-15)

Izy no YHWH Rohi, Jehovah no Mpiandry ahy:Io fanolorana an’Andriamanitra ho mpiandry ondry io dia mampita toetra be dia be izay mandravaka Azy. Ny endriky ny mpiandry ondry dia midika fiarovana, famokisana, fikarakarana ary fitarihana. Mampahafantatra ny tenany ho mpiandry akaiky ny ondriny Izy, izay mahalala ny tsirairay avy amin’ny anarany ary mikarakara ny tsirairay amin’ny fomba manokana. (Salamo 23:1)

Izy no YHWH Shammah, ao ny Tompo: Io anarana io dia manasongadina ny maha eo an’Andriamanitra foana. Eo foana Andriamanitra na aiza na aiza. Tsy misy na inona na inona na iza na iza afaka mandositra ny fanatrehany. Na dia miala alavitra Azy aza isika, eo foana Izy! (Ezekiela 48:35)

Izy no YHWH Osenu, Jehovah izay mpanao antsika: Io anaran’Adriamanitra io dia manamafy fa ny loharanon’ny fiainana rehetra dia ao Aminy. Nahary ny zavatra rehetra Izy, ary Izy no nanisy fofon’aina tamin’ny zavatra rehetra. (Salamo 95:6)

Izy no El-Chayim, Andriamanitra velona: Manambara ny tenany ho ilay Iray izay velona mandrakizay ary ho mandrakizay Andriamanitra. Izy ilay Andriamanitra izay miasa foana, amin’ny zava-miseho rehetra eo amin’ny fiainana andavan’andro. Tsy Andriamanitra ara-pombafomba Izy fa Andriamanitry ny fiainana! (Josoa 3:10)

Izy no Immanuel, Andriamanitra momba antsika: Izany no anaran’Andriamanitra tonga nofo, izay ao amin’i Jesosy Kristy. Tsy Andriamanitra alavitra Izy. Fa tena akaiky satria nisafidy ny hiaina tahaka ny olona Izy! (Matio 1:23)

Izy no Yeshua, Jesus, Tompon’ny Famonjena: Io no anarana ambonin’ny anarana rehetra, ilay anarana tokana izay mahavonjy ny olona rehetra. Maneho ny anaran’Andriamanitra farany io anarana io ao amin’ny fanambarana biblika. Maneho ny fanombohany sy ny fiafaran’ny zavatra rehetra. Ny fihavian’i Kristy dia maneho ny teboka faratampony amin’ny drafitra ho an’ny famonjena ny olombelona. (Matio 1:21)

Mamela anao aho amin’ity teny fampanantenan’i Jesosy : “‘Ary na inona na inona no hangatahinareo amin'ny anarako, dia hataoko izany, mba hankalazana ny Ray eo amin'ny Zanaka.’” (Jaona 14:13)

Anio ary mangataha Aminy izay zavatra ilainao mifototra amin’ny Anarany mahagaga!

Misaotra fa misy ianao!

Eric Célérier

P.S. Inty ny andro farany amin'ity planina ity. Raha maniry handray fampaherezana ao amin'ny mailakao ianao isan'andro dia manasa anao aho hisoratra anarana ao amin'ny Fahagagana isan'andro .