AZA MORA MITSOAKA!

Andro vitsy sisa dia ho tonga ny Krismasy!

Handeha hiara-hivavaka isika, “Jesosy o, raha efa manisy ny andro sisa hankalazana ny nahaterahanao izahay, dia mivavaka aho ny mba hankato izahay ny amin’ny asainao ataonay. Maniry hankalaza ny nahaterahan’ny Mpanjakanay izahay am-pifaliana sy am-pakatoavana. Andriamanitra o, omeo ny fon’i Josefa izahay ary tsy hisafidy ny lalana mitsoaka mora foana. Tianay ianao. Amena”

Nanana safidy sarotra i Josefa. Manolona ny tsindry ara-tsosialy, ny tahotra manokna tao anatiny, ny mety ahavery ny lazany sy izay fanontaniana lalina tantiny momba ny fanoloran-tenan’i Maria; tena azoko antoka fa nalaim-panahy ny hitsoaka i Josefa. Rehefa mieritreritra ny fifalian’i Josefa nahazo an’i Maria sy ny mety ho fahatairany avy eo, dia tena talanjona aho amin’ny valin-teniny. Jereo miaraka amiko ange ny navaliny:

“Ary ny nahaterahan'i Jesosy Kristy dia toy izao: Rehefa nanaiky Maria, renin'i Jesosy, ho fofombadin'i Josefa, raha tsy mbola nivady izy, dia hita fa nitoe-jaza avy tamin'ny Fanahy Masina izy. Ary Josefa vadiny, izay lehilahy marina sady tsy ta-hanala baraka azy, dia nikasa hametraka azy mangingina. Fa raha mbola nisaina izany izy....” (Matio 1:18-20)

Nila nisaina lalina ny tokony hataony i Josefa, ary nandefa mpampahery avy any an-danitra Andriamanitra hanampy azy mba tsy hisafidy ny lalana mora ialàna indrindra…

“ ...indro, nisy anjelin'ny Tompo niseho taminy tamin'ny nofy ka nanao hoe: Ry Josefa, zanak'i Davida, aza matahotra hampakatra an'i Maria vadinao; fa ny Zaza ao an-kibony dia avy amin'ny Fanahy Masina, ka hiteraka Zazalahy izy, ary ny anarany hataonao hoe JesosyJesosy = Jehovah no Mpamonjy; fa Izy no hamonjy ny olony ho afaka amin'ny fahotany..” (Matthew 1:20-21)

Na tsy hino ny tantaran’i Maria sy Josefa aza ny olona (tantara MAHAGAGA izany) dia Josefa kosa nahalala fa afaka mahatoky an’Andriamanitra izy amin’ny ho aviny. Jereo ange ny fankatoavany e…

Ary Josefa, rehefa nahatsiaro tamin'ny torimasony, dia nanao araka izay nandidian'ny anjelin'ny Tompo ary ka nampakatra ny vadiny.(Lioka 1:24)

Inona no angatahin’Andriamanitra ho ataonao anio izay mitaky anao hanaraka ny làlana manahirana amin’ny fankatoavana noho ny làlana mora ahafahana mitsoaka?

Amin’ity Krismasy ity, dia mangataka aminao Andriamanitra hamotsitra fangidiana efa ela ary hamela heloka? Mangataka aminao ve Andriamanitra ny hahalala-tànana na misy zavatra ilainao manokana aza? Mangataka aminao ve Andriamanitra ny handeha am-pahitsiana hatrany na mety hanahirana anao amin’ny manodidina aza izany? Mangataka aminao ve Andriamanitra ny hamerina amin’ny laoniny fifandraisana efa rava na tsy ianao aza no diso?

Aza mitsoaka! Toa an’i Josefa, afaka manaraka ny planin’Andriamanitra isika sy mahalala fa Andriamanitra dia afaka manao fahagagana.

Ny Andriamanitry ny Krismasy anie hampahery anao toa an’i Josefa hanao izay tokony ataonao marina! Manome toky anao aho fa raha ataonao ny asainy ataonao anio dia hisy fahagagana miandry anao ao aoriana kely ao…ilay fahagagan’ny Krismasy!

Tratry ny Krismasy ry namako ary aza adino,

Fahagagana ny fisianao!

Eric