Inona no atao hoe Fitiavana Marina?Santionany

Ahoana Ny Handehanantsika amin'ny Fitiavana Marina?

Inona no mamokatra fitiavana? Ahoana no hialantsika amin’ny fahotana sy ny fitiavan-tena ary ny handrosoantsika amin’ny fitiavana marina?

Tsy afaka manao izany isika raha tsy misy Azy sy tsy misy ny fanampiany. Tena mora very ny fifantohana na voarebireby. Ny fitiavan'i Kristy sy ny filazantsara ihany no hany fanantenantsika. Tonga Jesoa ary velona, maty, nalevina, ary nitsangana indray mba handresy ny ota, Satana, ary ny fahafatesana. Ilay Zanak'Andriamanitra izay tia antsika dia nanolotra ihany koa ny tenany hamonjy antsika. Nametraka ny làlany teo anoloantsika tamin'ny fitiavany Izy. "Jesoa Tompo ô, te handeha amin'izany fitiavana izany aho. Ampio aho hametraka ny fanantenako sy ny fitokiako rehetra eo Aminao."

Ny famakiana ny hiran'ireo olo-masina taloha dia mety hanampy antsika hifantoka amin'ny ady. Rentsika ny fon'izy ireo mifaly amin'Andriamanitra, mitsaoka Azy, miaina amin'ny fahamasinany, ary mitia Azy amin'ny fon'izy ireo rehetra, ny fanahiny, ny sainy, ny heriny. Diniho ireto andalana nosoratan’i Isaac Watts ireto ao amin’ny hirany hoe "Mifohaza ry Zotom-poko, Mifohaza ry Fitiavako." Maniry ny hitia an'i Jehovah toy izao ve ny fonao?

Mifohaza ry zotom-poko, Mifohaza ry fitiavako,
Mba hanompo ny Mpamonjiko ety ambany,
Amin'ny ireo asa izay maha tanteraka ny olo-masina any ambony
Ary ny anjely masina tsy afaka handeha.

Mifohaza, ry fanahiko, mba hanome sakafo
Ny fanahy noana, ary hampiakanjo ny mahantra;
Tsy misy mahantra any an-danitra,
Ny fon'izy ireo dia feno mandrakizay.

Ekeo ny fijaliako, Ry fanahiko!
Tohizo ny ady, araho ny asan' Andriamanitra,
Fehezo isan'andro ny fahotako,
Ary ho vaovao mandrakariva ny fandresena.

Avy amin'ny avo ny tanin'ny fandresena,
Tsy misy fahavalo mahita ao;
Tompo ô, te handresy mandrapaha-fatiko aho,
Ary hahavita ny ady be voninahitra rehetra.

Avelao ny ora manidina rehetra hibaboka
Hahazo laza vaovao ny Filazantsaranao aho;
Ary rehefa tapitra ny fiainako sy ny fisasarako,
Enga anie aho hanana ilay satroboninahitra nampanantenaina!

Mandray ny Fahamarinana ao am-po: Mifidiana Soratra Masina horaisina ao am-po mba hanavaozana ny fonao sy hanovana ny sainao.

Mamono ny Tena: Inona ny ota manokana eo amin'ny fiainanao voakasika ny Soratra Masina izay nosoratanao? I Paoly dia milaza amintsika manokana ny hanesorana ny toetra taloha.

Fampiainana ny Fahamarinana: Tafio ny tena vaovao--Kristy. Inona no fanitsiana manokana tokony hataonao eo amin’ny fisainanao na ny fihetsikao na ny fitondrantenanao mba hanarahanao Azy sy hampiharana ny fahamarinany amin’ny sainao sy ny fonao?