Ny Dian'i HabakokaSantionany

"Fahatokiana an'Andriamanitra"

Fanoloran-tena:
Amin'ny maha kristiana dia mitoetra matetika amin'ny ny fitiavan'Andriamanitra isika ary mibanjina ny famindram-pony. Indraindray dia hadinontsika fa misy fahatezerana ihany koa ao anatin'ny fitiavany, fa ny fanontaniana dia maninona isika no manadino an'izany? Ny fanaovany sorona ny tenany ho antsika dia fanomezam-pitiavana lehibe nifehezany mora ny endriky ny fahatezerany. Izao misy fahamarinana iray; Andriamanitra dia Andriamanitra marina ka tsy handraraka ny fahatezerany amin'izao tontolo izao, izay tsy mendrika izany, ary Andriamanitra tsy mba mety levon'ny alahelo Izy. Lehibe loatra ny fitiavany ny zanak'olombelona ka izany matetika no mitarika Azy hanao mihoatra noho izay tiany hatao.

Indray mandeha aho nandre mpiaro anankiray nametrahana fanontaniana manao hoe: "Raha tena be fitiavana tokoa Andriamanitra koa nahoana Izy no mandefa olona any amin'ny helo?". Nisy fiantraikany tamin'ny fomba fisainako momba an'izany ny valin-teny nomeny. Mba hahazoana ity teny io dia izao: "Ny fitoerana amin'ny helo dia fisarahana amin'Andriamanitra ary amin'izay dia fitiavan'Andriamanitra ny fanajana ny fahafahana misafidy. Raha misafidy ny hanalavitra Azy ny olona iray eo amin'ny fiainana dia tsy hanery azy hiaraka Aminy Izy amin'ny fahafatesana." Mahavariana ny fiatraikan'izany satria ny 2 Petera 3:9 dia milaza antsika izao:

Ny Tompo tsy mahela ny teny fikasany, araka izay ataon’ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin’ny fibebahana izy rehetra.

Fanontaniana natao hosaintsaininao manokana:
Makà fotoana hieritreretana ireto fanontaniana ireto mialoha ny handehananao. Valio am-pahatsorana sy amin'ny antsipirihany, araka izay azo atao, ary miomàna amin'ny hevitry ny mpanoratra rahampitso.

1. Inona no foto-kevitra lehibe indrindra amin’ity toko ity?

2. Inona no dikan’ny hoe “Sela” ary inona no tokony ataontsika?

3. Misaintsaina ny foto-kevi-dehibe indrindra: Inona no ezahin’i Habakoka hampitaina amin’ny mpamaky?

4. Ahoana no hitondrantsika izany eto amin’izao tontolo misy antsika ankehitriny izao ary ahoana no hampiharana izany eo amin’ny fiainantsika andavanandro?