Mandraharaha amin'ny fomba mahagagaSantionany

Dikotomia (Fanavahana) diso

Nino lainga aho nandritra ireo 28 taona voalohany niainako ny fiainana kristianina.

Lainga fahita mahazatra loatra eo amin'ny tontolon'ny Kristiana izany, ary raha mpandraharaha ianao dia heveriko fa niady mafy tamin'izany koa ianao.

Nino ny Dikotomia (Fanavahana) masina sy laika aho. Ary nahatonga ahy nanao asa tsy mifandanja amin'ny fahaizako izany. Na amin’ny raharaham-barotra na any am-piangonana.

Avelao aho hanazava...

Rehefa lasa mpanara-dia an'i Kristy aho tao amin'ny taom-pianarana ambony tao amin'ny oniversite, dia nafantsika tato an-tsaiko tamin'izay dia ny filazana a fa ny mpino rehetra tia an'Andriamanitra...ireo izay tena matotra amin'ny finoany...dia mifantoka tanteraka amin'ny asa fanompoana. Raha ny marina, ireo tantaram-piainana malaza sy ny toriteny ary ny polipitra dia feno ireo izay “nafoy ny zava-drehetra ho an’i Jesosy”. Ary tsy nisy tamin'izy ireo niditra tao amin'ny raharaham-barotra (na toa izany).

Nahatsiaro ho ambany aho. Ary nieritreritra ny hiala amin'ny fandaharam-pianarana MBA aho mba handehanana any amin'ny Kolejy Ara-baiboly. Tsapako fa raha mijanona amin’ny raharaham-barotra aho dia ho Kristiana kilasy faharoa foana, ary ny anjara asany ao amin’ny fiangonana dia ny hipetraka ao amin’ny komity ara-bola na hameno ny takelaka fanolorana mba hamatsiana ireo izay manao nytena izy ny tena asa ho an'Andriamanitra. Ireo manompo mandritry ny tontolo andro.

Tsy fantatro anefa fa Voantso ho amin’ny asa fanompoana aho tamin’ilay andro namonjena ahy. Ary toy izany koa ianao.

Tsy tonga saina koa aho fa tsy hoe akory asa ambany kokoa ny raharaham-barotra. Ara-dalàna toy ny eny amin'ny polipitra izany.

Tsy misy ny Fanavahana (Dikotomoa)

Tsy misy fanavahana ny masina sy ny laika. Ny zava-drehetra dia ara-panahy. Miitatra amin’ny lafiny rehetra amin’ny fiainana ny Fanjakan’Andriamanitra, fa tsy ao anatin’ny rindrina efatra amin’ny trano fiangonana ihany. Ary isika, amin'ny maha-mpandraharaha, dia matetika manana fifandraisana mahomby sy malalaka kokoa amin'izao tontolo izao noho ny pasitera mahazatra. Fanampin'izany, manana fahafahana bebe kokoa hanehoana ny fitiavan'Andriamanitra sy ny heriny amin'ny fomba tsy ampoizina isika.

Nampanantena Izy fa hiaraka amintsika ary ny Fanahiny no hitarika antsika ho amin'ny fahamarinana rehetra. Tsy afa-bela amin'ity fampanantenana ity ny orinasanao. Vaovao tsara izany, sa tsy izany?

Andriamanitra dia miandry antsika hahazo ny toroheviny sy ny fahiratan-tsainy mba hahafahantsika mampihatra ny vahaolana avy any an-danitra amin'ny tany sy mampianatra ny lalany amin'ny alalan'ny fanehoana vahaolana amin'ny olana eo amin'izao tontolo izao. Rava izao tontolo izao ary mitaraina mitady valiny (jereo ny Romana 8:19). Afaka mahazo valiny isika...amin'ny alalan'ny Fanahy Masina. Tokony hanantena isika fa ho mpamorona, mpanangana ary mpanome vahaolana amin'ny fitarainan'ny olombelona.

Ny hery nasehon'i Jesosy tamin'izy nanasitrana ny marary dia hery iray ihany izay afaka manova ny orinasanao… sy ny fiaraha-monina… ary ny firenena.

Nandao ny dikotomia (Fanavahana) masina sy laika ve ianao? Moa ve ianao miara-miasa mba hitondra ny Lanitra ho ety an-tany eo amin'ny sehatry ny asanao sy ny fiainanao ankehitriny?