Fanombohana IndraySantionany

Fiandohana Vaovao

Tiako ny fankalazana ny taom-baovao. Toy ny hoe tiako ny mahita ny fiposahan'ny andro vaovao. Mino aho fa Andriamanitra no namorona ireny fiovana ireny mba hampahatsiahivana antsika fa Izy no Andriamanitry ny Fiandohana Vaovao.

Afaka mamorona zavatra avy amin’ny tsy misy Andriamanitra. Toy ny siny tanimanga, Izy dia afaka mamorona zavatra avy amina faona tsy misy endrika. Afaka maka ny fonao izay torotoro, maloto dia maloto Izy, ary mamadika izany ho fo madio sy manana tanjona – hanasitrana azy indray!

Toy ny ao amin'ny Genesisy, izay itenenan'Andriamanitra ao amin'ny banga sy ny haizina mba hamoronana izao rehetra izao sy ny kintana ary ny tontolontsika. Andriamanitra no nampisy izao tontolo izao. Afaka miteny ao anatin’ny haizina amin’ny fiainanao koa Andriamanitra, ka mamorona fiandohana vaovao ho anao.

Ao anatin'ny andro vitsivitsy dia avelao aho hitarika anao amin'ny fandalinana ny olona izay nanolotra ny korontanany tamin'Andriamanitra. Tsy voafehin’ny zava-mitranga, na toe-javatra, na fihetseham-po intsony. Saingy amin’ny fanekena fa ny vahaolana hany tokana ananan'izy ireo, dia ny fiainana tena izy, ny lamina madio ary ny fanombohana vaovao amin’ny alalan’i Jesosy Kristy, Zanak’Andriamanitra ( Vakio ny 1 Korintiana 1:30).

Na dia amin'izao fotoana izao aza dia afaka miresaka amin'ny korontana eo amin'ny fiainanao izy mba hanomezana fanantenana vaovao, angovo vaovao.

Vakio ny Salamo 51:10. Andriamanitra dia te-hahita anao madio, noho izany dia tiany ny handray anjara mavitrika amin'ny famoronana ny fonao vaovao sy hampilamina ny korontana eo amin'ny fiainanao. Ny hany ilainao dia ny manetry tena eo anatrehany sy manaiky ny fiandrianany.

Lazao hoe: Amorony fo madio aho, Andriamanitra ô, ary havaozy hiorina mafy ato anatiko. Mivavaha, "Andriamanitra ô, manaova fanombohana vaovao amin'ny fiainako, amin'ny korontana rehetra, avelao aho hanomboka vaovao."

Tiako ny fanombohana vaovao! Tahaka ity drafitra famakiana ity. Ankafizo!