Fahazoana Antoka anatin'ny fotoanan'ny fisalasalanaSantionany

Misy afo ao anatintsika rehetra izay miandry ny ho hatehitra. Afo izay mitombo ary mety hiparitaka amin'ny manodidina anao raha manohy mamelona azy ianao. Ity afo ity dia mahery noho ny tsy fahatokisana mety ho tsapanao. Manana hery handresena ny zavatra ratsy mety manodidina anao amin'izao fotoana izao izy.

Io afo io, io firehetam-po io, io hery anaty io dia napetrak'Andriamanitra tao anatinao. Fitiavana hanao izay nasaina hataonao, na inona na inona mety hitranga. Hery anaty haharitra sy hivoaka ho ambony na inona na inona fanoheranao.

Mety tsy azoko antoka hoe inona no hitranga rahampitso, nefa azoko antoka fa mila manao zavatra aho anio.

Mety tsy azoko antoka hoe ahoana no hanatratrarana ny tanjoko, nefa azoko antoka hoe inona no tanjoko.

Tsy azoko antoka hoe ahoana no hahombiazako, fa AZOKO toky fa hahomby aho.

Azoko antoka izany.

Efa milamina ny saiko.

Nomen'Andriamanitro izay fitaovana rehetra ilaiko aho mba hahitako ny fahatanterahan'ny nofiko. Izy no niambina ahy hatramin’ny nahariana ahy ary ny sitrapony no manjaka amin’ny fotoana rehetra.

Tsy azoko antoka hoe ahoana no hahavitako azy. Saingy azoko antoka fa vitako io. Tsy fantatro hoe rahoviana aho no hahavita ny tanjoko, fa fantatro fa ho tanteraka izany.

Azoko antoka izany.

Na inona na inona sedrainao dia hain'ny Tompo ny zavatra rehetra. Na inona na inona fanaintainana, tahotra, fahasorenana, adin-tsaina, fanahiana, na fisalasalana dia azo antoka fa hisava amin’ny alalan’i Jesosy Kristy.

Aza matahotra. Efa Azo antoka.

Raha hifandray amin'i David Villa, Tsindrio eto!

Raha hisoratra anarana amin'ny Podcast an'i David, Tsindrio Eto!