Fampiasana ny fotoananao ho an'AndriamanitraSantionany

Fandaminana ny fandaharam-potoanao

Ampiasao amin'ny zavatra mahasoa ny fotoam-pialam-bolinao. Ny vaky boky dia fampiasana sarobidy ny fotoana. Augustin indray mandeha dia nanoro hevitra mpino mba hianatra zavatra maro araka izay azo atao, satria fahamarinana rehetra dia fahamarinan'Andriamanitra. Ny hetsika hafa izay mahasoa dia eo amin'ny sehatry ny zavakanto. Tiako koa ny milalao "mots croisés" mba hampiasana ny saina ary mba hanitarana ny fifehezako ny fomba fiteny.

Mitadiava fomba hamitahana ny "homme de sable.". Ny fahazarako dia matory eo anelanelan'ny amin'ny 8 sy amin'ny 9 ora alina rehefa azo atao izany, ary mifoha amin'ny 4 ora maraina. Izany no nitondra vokany tena tsara tamin'ny fandaharam-potoanako. Ny ora vao maraina be dia tsy misy fanelingelenana, fotoana tena mety hanaovana fianarana, fanoratana ary vavaka.

Mampiasà ny fotoana fitondrana fiara (na fitaingenana fiara) ahafahana mianatra. Ny fitondrana fiara dia asa mahazatra mekanika izay mamela ny saina ho mailaka kokoa noho ny zava-mitranga eny an-dalana. Ny soa azo avy amin'ny fihainoana fandraisam-peo dia azo ampiasaina be mandritra ireo fotoana ireo.

Farany, amin'ny ankapobeny, ny fandaharam-potoana dia tokony manafaka kokoa fa tsy manakantsakana. Ny fandaharam-potoana dia manampy be amin'ny fandaminana ny fampiasatsika ny fotoana. Ny fandaharam-potoana dia tokony ho namana, fa tsy fahavalo. Manampy antsika hahita ny fizotry ny fiainana mamokatra ao amin'Andriamanitra.

Coram deo: Eo Anoloan 'ny tavan' Andriamanitra

Raha tsy manana fandaharam-potoana ianao, dia manaova iray ary ampiasao mandritra ny herinandro izany, avy eo dia tobany hoe inona no nanampy anao hanavotra fotoana. Raha efa manana fandaharam-potoana ianao, dia makà fotoana handinihana azy ary mivavaha momba ny laharam-pahamehanao.

Copyright © Ligonier Ministries. Manana boky malalaka avy amin'ny Rc Sproul amin'ny Ligonier.org/freeresource.