Mahafantatra ny Feon'Andriamanitra // Mianatra Mihaona AminySantionany

Ireo Zava-tsarotra

Ny Fanahy Masina ao anatinay, izao no renay ho anareo :

Angamba mety andro hafa iray amin'ireny andro ireny. Eny, fantatro. Mila fanampiana ve ianao mba hanarenana ny toe-javatra? Te hanandratra ny tananao, ny fonao, ho mariky ny fanoloran-tena, te hanipy ny lamba famaohana ary hilaza amiko fa tsy afaka ny hanohy intsony, fa tsy toy izany? Eny fantatro. Ary ekeko fa tsy afaka. Tsy afaka manohy toy izao ianao. Tsy afaka manohy tsy misy ahy ianao. Tsy miaraka amin'ny fanantenana – na fahafahana – mihitsy aloha na izany aza. Ary fantatro fa izany no mahatonga anao eto, nahoana ianao no miantehitra sy mihaino izao. Leo manao zavatra irery ianao. Reraka ianao miezaka manova zavatra. Amin'ny ankapobeny dia reraka ianao ary manontany tena raha mitondra fiovana tsara ny ezaka ataonao.

Oh ry Anaka, tsarovy, tsara Aho . Tsara Aho.

Afaka matoky ahy ianao. Hampiseho anao fomba hafa hijerena ny toe-javatra aho. Tsy miresaka momba ny fampanginana ny antsipiriany aho, na hilaza ho tsara ny zavatra kanefa tsy araka izany akory. Misy ny ratsy, fahavalo izay manelingelina anao, mandrebireby anao ary mampanalavitra anao amin’ny tsara. Eny, sarotra ny fiainana. Sarotra.

Fa tsara Aho. Tsara Aho. Tsara Aho.

Ry Zanako lahy, ry Zanako Vavy, anatin'ny toe-javatra mikorontana, afaka mahita Ahy ve ianao ? Ny toe-javatra mety tsy hihatsara fa ny Fomba fijerinao mety hihatsara. Ny alahelo dia mety hanome anao fahatsapana hoe hanorotoro anao, saingy tsy izany anefa. Ny fanaintainana dia mety hanome anao fahatsapana hoe mavesatra be tsy zaka, saingy tsy izany anefa. Mihazona anao Aho. Eny. Izao. Mihazona anao Aho.

Ka inona no hatao amin'ity toe-javatra sarotra ity? Inona no tokony hatao rehefa toa lehibe loatra ny olana ary tsy azo fehezina ny vokany ary toa ohatrany tsy hita izay mety ho fiafarany ? Inona no ataonao? Voalohany, avelao Aho hihazona anao. Voalohany, avelao Aho hilaza aminao fa eto Aho. Voalohany, mamelà ahy hilaza aminao fa Tiako ianao ary ny fitiavako Anao no hery izay mahatonga anao hijoro.

Afaka manohy ianao ry malalako. Afaka matoky Ahy foana ianao, anaty fahahafantatarana fa ity olana ity, ity fanaintainana ity, ity zavatra sarotra ity dia tsy mampatahotra Ahy. Misy fomba handresena. Raiso ny tanako. Hohazoniko mafy. Afaka miara-mamakivaky ny lalana isika. Ary hiaro ny fonao aho, raha sitrakao. Ary hihazona anao akaiky Aho, raha irinao hanohana anao ny heriko. Ianao no arovako ary tsy mba ilaozako. Ianao no tadiaviko sy arahiko ary iriako. Ianao no mahavita mihoatra noho izay nofinofin'izy ireo hatramin'izay satria Izaho no nanonofy izany. Anjarako ny manatanteraka ny nofinofiko manokana—ireo nofinofiko manokana ho anao.

Fandinihan-tena

Ahoana no hahatongavanao amin’ny finoana amin'ny fonao fa Andriamanitra, ilay Rainao Tsara dia —eto, amin’izao fotoana izao—ilay Ray azonao ianteherana, na inona na inona mitranga?

Ahoana no hahatongavanao amin’ny finoana amin'ny fonao fa Andriamanitra, fa Jesoa dia miaraka mamakivaky ny lalana miaraka aminao?

Ahoana no afahanao manomboka mahita fa miaraka aminao Izy, mihazona ny tananao Izy, tsy ary miala eo anilanao na oviana na oviana?

Makà fotoana kely hakana sary an-tsaina hoe aiza i Jesoa. Miezaha hahita Azy . Henoy ny fanatrehany eo anilanao eo afovoan'ny zava-tsarotra. Saino izay zavatra mety ataony. Alao sary an-tsaina ny zavatra ambarany mahakasika ireo sakana am-pamakivakiana ny lalana.

Avelao Izy haneho anao sary vaovao, sarin'ny fomba iarahany aminao—amin'ny fotoana rehetra.

Avelao Izy hanome anao ny sarin'ny fomba fiarovany anao. . . sarin'ny Fahatsarany. . . ary sarin'ny hoe tsy mavesatra loatra ho zakaina ity.