Salamo 34:4-11
Salamo 34:4-11 DIEM PROTESTANTA (DIEM)
Mankalazà ny TOMPO miaraka amiko ianareo, ary aoka hiara-manandratra ny voninahiny isika. Nitady ny TOMPO aho, dia novaliany vavaka; ka nafahany avokoa ny tahotro rehetra. Mijere Azy ianareo, dia aoka ho mirana; ny tavanareo tsy ho safo-kenatra intsony. Niantso vonjy aho fa olo-mahantra ka nohenoin’ny TOMPO sy novonjeny tamin’izay fahoriako rehetra. Ny anjelin’ny TOMPO miambina manodidina ny mpanaja an’Andriamanitra ka manafaka azy amin’ny loza. Andramo sy jereo fa tsara ny TOMPO. Sambatra ny olona mialoka aminy! Mankatoava ny TOMPO, ianareo vahoakany: fa tsy misy mahory ny mpankatò Azy. Na dia ireo mpanankarena aza, mety tsy ampy hanina ka ho noana; fa izay mitady ny TOMPO tsy mba ho orin-java-tsoa.
Salamo 34:4-11 Malagasy Bible (MG1865)
Mitady an'i Jehovah aho, dia mamaly ahy Izy ka manafaka ahy amin'ny tahotro rehetra. Mijery Azy ireo ka miramirana, sady tsy mangaihay ny tavany. Ity olo-mahantra ity niantso, dia nihaino Jehovah ka namonjy azy tamin'ny fahoriany rehetra. Ny Anjelin'i Jehovah mitoby manodidina izay matahotra Azy ka mamonjy azy. Andramo ka izahao fa tsara Jehovah; sambatra izay olona mialoka aminy. Matahora an'i Jehovah, ianareo olony masina;fa tsy hanan-java-mahory izay matahotra Azy. Na dia ny liona tanora aza tsy ampy hanina ka noana. Fa izay mitady an'i Jehovah kosa dia tsy ho orin-java-tsoa akory. Avia, anaka, mihainoa ahy; ny fahatahorana an'i Jehovah no hampianariko anareo.
Salamo 34:4-11 La Bible en Malgache (MRV)
Nitady NY TOMPO aho dia namaly ahy Izy ka nanafaka ahy tamin’ny tahotro rehetra. Izay mijery Azy dia miramirana sady tsy mangaihay ny tavany. Ity olona ory ity no niantso dia nihaino NY TOMPO ka namonjy azy tamin’ny fahoriany rehetra. Ny Anjelin’NY TOMPO* dia mitoby manodidina izay matahotra Azy ka manafaka azy. Andramo ka zahao fa tsara NY TOMPO! Sambatra izay olona mialoka Aminy! Matahora NY TOMPO, ianareo olony masina! Fa tsy misy zava-maha ory izay matahotra Azy. Na dia ny liona tanora aza rehefa tsy ampy hanina dia noana; fa izay mitady NY TOMPO kosa dia tsy ho orin-java-tsoa akory. Avia, anaka, mihainoa ahy! Ny fahatahorana NY TOMPO no hampianariko anareo.
Salamo 34:4-11 Baiboly Protestanta Malagasy (MBP)
Mitady an’i Jehovah aho, dia mamaly ahy Izy Ka manafaka ahy amin’ny tahotro rehetra. Mijery Azy ireo ka miramirana, Sady tsy mangaihay ny tavany. Ity olo-mahantra ity niantso, dia nihaino Jehovah Ka namonjy azy tamin’ny fahoriany rehetra. Ny Anjelin’i Jehovah mitoby manodidina izay matahotra Azy Ka mamonjy azy. Andramo ka izahao fa tsara Jehovah; Sambatra izay olona mialoka aminy. Matahora an’i Jehovah, hianareo olony masina; Fa tsy hanan-java-mahory izay matahotra Azy. Na dia ny liona tanora aza tsy ampy hanina ka noana; Fa izay mitady an’i Jehovah kosa dia tsy ho orin-java-tsoa akory. Avia, anaka, mihainoa ahy; Ny fahatahorana an’i Jehovah no hampianariko anareo.
Salamo 34:4-11 DIEM PROTESTANTA (DIEM)
Mankalazà ny TOMPO miaraka amiko ianareo, ary aoka hiara-manandratra ny voninahiny isika. Nitady ny TOMPO aho, dia novaliany vavaka; ka nafahany avokoa ny tahotro rehetra. Mijere Azy ianareo, dia aoka ho mirana; ny tavanareo tsy ho safo-kenatra intsony. Niantso vonjy aho fa olo-mahantra ka nohenoin’ny TOMPO sy novonjeny tamin’izay fahoriako rehetra. Ny anjelin’ny TOMPO miambina manodidina ny mpanaja an’Andriamanitra ka manafaka azy amin’ny loza. Andramo sy jereo fa tsara ny TOMPO. Sambatra ny olona mialoka aminy! Mankatoava ny TOMPO, ianareo vahoakany: fa tsy misy mahory ny mpankatò Azy. Na dia ireo mpanankarena aza, mety tsy ampy hanina ka ho noana; fa izay mitady ny TOMPO tsy mba ho orin-java-tsoa.
Salamo 34:4-11 Baiboly Katolika (MBC)
Miaraha amiko ianareo hankalaza an’i Iaveh: aoka isika hiara-midera ny Anarany. Nitady an’i Iaveh aho, dia nihaino ahy Izy, ary nanafaka ahy tamin’ny tahotro rehetra. Raha mitodika azy ny olona dia miramiran’ny hafaliana, ary tsy safo-kenatra ny tavany. Niantso ity olo-mahantra, dia nohenoin’i Iaveh, sy novonjeny tamin’ny fahoriany rehetra. Ny Anjelin’i Iaveh mitoby, manodidina izay matahotra Azy, ka mamonjy azy. Andramo ka zahao ange izany hatsaran’i Iaveh. Sambatra ny olona manao Azy ho fialofany. Matahora an’i Iaveh ianareo olo-masiny, fa tsy ho voan’ny fahantrana izay matahotra Azy. Ny liona tanora mety noana aman-tsy ampy hanina ihany, fa izay mitady an’i Iaveh tsy orin-java-tsoa akory.
