KASAUKAN 7
7
Rosob
1Indagu boo Tuhan ri Nuu, “Ilain Ku ra okou ayuk rorondo' ondo' sumugut ra susuban Kuno. Ginio ra subol kano ralalom ru kapal no mabaya' ra akau ngaangai' sasambaloi. 2Pagibit noyo tulu' mantuop intor ra moonong bibiag ondo' mapasau, kaa' santuop ayuk intor ra moonong bibiag ra malaat. 3Pagibit niayuk tulu' mantuop intor ra moonong susuit. Baalo' noyo ginio maa' raginio moonong bibiag am susuit maalungan am makasayat saguli' ra tana' ti. 4Katuluan poyo maparatu' Aku ra rasam ondo' kalo tuminas-tinas buoi apat ngoopor ngoorou am apat ngoopor ngorondom koson mapaluus ra ngaangai' ilo ondo' maayag ondo' sinauk Kuli.” 5I Nuu pana nambaal ra ngaangai' ondo' nanusuban ru Tuhan riso.
6Umur ri Nuu 600 ngambilor paat ra rosob minatong ra tana' ti. 7#Mat. 24:38-39; Luk. 17:27I Nuu am andu' nano, anak-anak nilo am andu' nilono sumubol ralalom ru kapal koson minggalur ra rosob. 8Sanginan tandaa' am sanginan puunan intor ra moonong salinut ru susuit am bibiag, ondo' mapasau kapoam ondo' malaat, 9sumubol ralalom kapal mabaya' ri Nuu koson ra nanusuban ri Aki Kapuuno'. 10Katuluan noyo ragili, rosob pana minatong ra tana' ti.
11 #
2 Ptr. 3:6
Paat umur ri Nuu 600 ngambilor, iono orou koopor am tulu' ra sila' karuo, salalaput ayuk boo ngaangai' taur ru timug ra ragana' ru tana' ti. Ngaangai' kulobon ru timug ra limbowon minukab, 12am riminasam buoi apat ngoopor ngoorou am apat ngoopor ngorondom. 13Paat orou ragili niayuk, i Nuu am andu' nano siminubol ra ralalom kapal no mabaya' ra katalu anak ungkuyon nilo, iono i Siim, Japit, i Gam mabaya' ra andu' nilono. 14Nababaya' risilo, iono moonong salinut ru bibiag mangakaup am mangasigo, ondo' mangaayo am mongoborok am niayuk moonong salinut ru susuit. 15Sanginan tandaa' am sanginan puunan intor ra moonong salinut maayag ru tana' ti sumubol ralalom ru kapal no mabaya' ri Nuu, 16koson ra nanusuban ri Aki Kapuuno'. Pakaumpos ngaangai' no, angabi' ru Tuhan kulobon ru kapal no.
17Rosob ra tana' ti buoi apat ngoopor ngoorou timinuu' ra masawat kaga' saboi kapal no liminantau. 18Timug no timinuu' poyo am lalantau kapal rasawat ru timug. 19Timug no timinuu' poyo saboi gunung ra mangasawat kaga' pana nangalinjob. 20Timug no pana narayus poyo timinuu' saboi tulu' ngamito poyo sawat intor ra tampak ru gunung. 21Ngaangai' maayag ra tana' ti naluus: ulun, susuit, bibiag ru lantur ra mongoborok am mangaayo. 22Ngaangai' ondo' mamainawo ra tana' ti niayuk minatoi. 23Napaluus Tuhan ra ngaangai' ondo' maayag ra tana' ti koson ra ulun, bibiag am susuit. Kaa' ondo' ayuk kalo minatoi, iono i Nuu am ngaangai' ondo' nababaya' riso ra kapal i. 24Timug pana kalo miniit buoi 150 ngoorou.
Voafantina amin'izao fotoana izao:
KASAUKAN 7: TMT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Hakcipta © Bible Society of Malaysia, 2013.