Zakaria 9
9
Ny handravana ny firenena maro, sy ny voninahitra ho azon’i Ziona kosa.
1TENY faminaniana avy tamin’i Jehovah ny amin’ny loza hanjo ny tany Hadraka,
Ary Damaskosy no hiharany–
Fa ny mason’i Jehovah mandinika ny olombelona#9.1 Na: Fa mijery an’i Jehovah ny mason’ny olombelona.
Mbamin’ny firenena rehetra amin’ny Isiraely–
2Sy Hamata koa, izay mifanolotra aminy,
Ary Tyro sy Sidona koa, satria hendry izy.
3Ary Tyro nanao mànda mafy ho azy
Ka nanangona volafotsy hoatra ny vovoka
Sy volamena tsara hoatra ny fotaka eny an-dàlambe.
4Indro, hofoanan’ny Tompo ny fananany,
Sady hasiany koa ny heriny ao amin’ny ranomasina;
Ary ny tenany ho levon’ny afo.
5Askelona hahita izany ka ho raiki-tahotra,
Gaza koa, ka ho toran-kovitra indrindra,
Ary Ekrona, fa ho tonga henatra ny fanantenany;
Tsy hisy mpanjaka intsony ao Gaza,
Ary Askelona tsy honenana.
6Zazasary no ho mpanjaka ao Asdoda,
Ary hofoanako ny reharehan’ny Filistina.
7Hesoriko eny am-bavany ny rany,
Sy ny fahavetavetany tsy ho eny anelanelan’ny nifiny;
Ary izy koa ho sisa ho an’Andriamanitsika
Sy ho toy ny lohany amin’ny firenen’i Joda,
Ary Ekrona ho toy ny Jebosita,
8Ary hitoby Aho hiaro ny tranoko noho ny miaramila betsaka,
Dia noho izay mandroso sy miverina;
Ary#9.8 Na: Mba tsy hisy mandroso na miverina, ka. tsy hisy mpampahory handeha hamaky eo aminy intsony,
Fa ankehitriny dia efa hitan’ny masoko.
9Mifalia indrindra, ry Ziona zanakavavy;
Manaova feo fifaliana, ry Jerosalema zanakavavy;
Indro, ny Mpanjakanao avy ho anao;#9.9 Na: ho atỳ aminao.
Marina Izy sady manam-pamonjena,#9.9 Heb. voavonjy.
Malemy fanahy sady mitaingina boriky
Dia zana-boriky tanora.
10Ary hofoanako tsy hisy kalesy intsony Efraima,
Na soavaly any Jerosalema,
Hofoanana koa ny tsipìka fiadiana,
Ary hiteny fiadanana amin’ny jentilisa Izy;
Ny fanapahany dia hatramin’ny ranomasina ka hatramin’ny ranomasina
Ary hatramin’ny Ony#9.10 Eofrata. ka hatramin’ny faran’ny tany.
11Ny aminao koa, noho ny ran’ny fanekena taminao
No efa namoahako ny mpifatotrao avy tao an-davaka tsy misy rano.
12Miverena ho amin’ny fiarovana mafy,
Hianareo mpifatotra manana ny fanantenana!
Anio no hanambarako hoe: Hanonitra roa heny ho anao Aho.
13Fa nohenjaniko ho Ahy Joda,
Efraima nataoko zana-tsipìka;
Ary hotairiko ny zanakao, ry Ziona, hiady amin’ny zanakao, ry Grisia,
Ary hataoko toy ny sabatry ny lehilahy mahery hianao,
14Ary Jehovah hiseho ao aminy,
Ka handeha toy ny helatra ny zana-tsipìkany;
Jehovah Tompo hitsoka anjomara
Ka handeha amin’ny tafio-drivotra any atsimo.
15Ary Jehovah, Tompon’ny maro, no hiaro ireny;
Dia hihinana ireny ka hanitsakitsaka vaton’antsamotady;
Ary hisotro ireny ka hihorakoraka tahaka ny azon’ny divay,
Ary ho feno toy ny lovia famafazana ireny, dia toy ny zoron’ny alitara.
16Ary hovonjen’i Jehovah Andriamaniny ireny amin’izany andro izany
Toy ny olona izay ondriny;
Fa ho toy ny vaton-tsatroboninahitra
Mamirapiratra eny amin’ny taniny ireny.
17Fa akory ny hasoany! ary akory ny hatsaran-tarehiny!
Vary no hampaharoroka#9.17 Heb. hampitsimoka. ny zatovo,
Ary ranom-boaloboka kosa ny zazavavy.
Voafantina amin'izao fotoana izao:
Zakaria 9: MBP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Protestanta Malagasy © Malagasy Bible Society, 1965, 2019.