Salamo 47
47
Fihobiana noho ny niakaran’ny Tompo.
1Ho an’ny mpiventy hira. Nataon’ny Koraïta. Salamo.
MITEHAFA tànana, ry firenena rehetra;
Mihobia ho an’Andriamanitra.
2Fa Jehovah no avo indrindra ka tokony hatahorana;
Mpanjaka lehibe ambonin’ny tany rehetra Izy.
3Mandresy firenena maro Izy ho ambanintsika
Ary firenen-tsamy hafa ho ambanin’ny tongotsika.
4Mifidy ny lovantsika ho antsika Izy,
Dia ny voninahitr’i Jakoba izay tiany.
[Sela.]
5Efa niakatra tamin’ny fihobiana Andriamanitra,
Jehovah niakatra tamin’ny fitsofana ny anjomara.
6Mankalazà an’Andriamanitra, eny, mankalazà;
Mankalazà ny Mpanjakantsika, eny, mankalazà.
7Fa Mpanjaka amin’ny tany rehetra Andriamanitra;
Mahaiza mankalaza tsara hianareo.
8Andriamanitra manjaka amin’ny firenen-tsamy hafa;
Andriamanitra mipetraka eo ambonin’ny seza fiandrianany masina.
9Ny mpanapaka ny firenen-tsamy hafa miangona
Ho olon’Andriamanitr’i Abrahama;
Fa an’Andriamanitra ny ampingan’ny tany;
Avo indrindra Izy.
Voafantina amin'izao fotoana izao:
Salamo 47: MBP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Protestanta Malagasy © Malagasy Bible Society, 1965, 2019.