Salamo 138
138
Fiderana an’Andriamanitra noho ny famindrampony sy ny fahamarinany, izay mbola heken’ny mpanjaka rehetra.
1Nataon’i Davida.
HIDERA Anao amin’ny foko rehetra aho;
Eo anatrehan’ireo andriamanitra no hankalazako Anao.
2Hivavaka manandrify ny tempolinao masina aho
Ka hidera ny anaranao noho ny famindramponao sy ny fahamarinanao;
Fa efa nomenao voninahitra ny teninao ho ambonin’ny anaranao rehetra.
3Tamin’ny andro nitarainako dia namaly ahy Hianao;
Nomenao fahasahiana aho, ka nisy hery ny fanahiko.
4Jehovah ô, hidera Anao ny mpanjaka rehetra amin’ny tany,
Fa handre ny tenin’ny vavanao izy.
5Eny, hihira ny amin’ny làlan’i Jehovah izy;
Fa lehibe ny voninahitr’i Jehovah.
6Fa na dia avo aza Jehovah, dia#138.6 Na: Fa avo Jehovah ka. mijery ny ambany toetra,
Ary ny mpiavonavona fantany eny lavitra eny.
7Na dia handeha eo amin’ny fahoriana aza aho, dia hamelona ahy Hianao;
Haninjitra ny tànanao hanohitra ny fahatezeran’ny fahavaloko Hianao
Ary hamonjy ahy ny tànanao ankavanana.
8Jehovah no hahatanteraka ny amiko;
Jehovah ô, mandrakizay ny famindramponao;
Aza mahafoy ny asan’ny tànanao.
Voafantina amin'izao fotoana izao:
Salamo 138: MBP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Protestanta Malagasy © Malagasy Bible Society, 1965, 2019.