Salamo 124

124

Fisaorana an’Andriamanitra noho ny nanafahany ny mpanompony saiky tra-doza.

1Fihirana fiakarana.#124.1 Na: Fihirana misy hevitra ambaratonga. Nataon’i Davida.

RAHA tsy Jehovah no nomba antsika,–

Eny, aoka hataon’ny Isiraely hoe:

2Raha tsy Jehovah no nomba antsika,

Raha nitsangana hamely antsika ny olona.

3Dia nitelina antsika velona izy,

Raha nirehitra tamintsika ny fahatezerany;

4Dia nandifotra antsika ny rano,

Ary nanafotra ny fanahintsika ny riaka;

5Eny, nanafotra ny fanahintsika

Ny rano misafoaka.

6Isaorana anie Jehovah,

Izay tsy nanolotra antsika ho rembin’ny nifiny.

7Ny fanahintsika dia efa afaka tahaka ny vorona afaka tamin’ny fandriky ny mpihaza;

Tapaka ny fandrika, ka afaka isika.

8Ny famonjena antsika dia amin’ny anaran’i Jehovah,

Mpanao ny lanitra sy ny tany.

Voafantina amin'izao fotoana izao:

Salamo 124: MBP

Asongadina

Hizara

Dika mitovy

Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra

Andinin-tSoratra Masina malaza indrindra nalaina tao amin'ny
Salamo 124