Salamo 86
86
SALAMO 86 (Volgata 85)
Vavaka raha tojo fitsapana
1 Vavak’i Davida.
Mandrenesa, ry Iaveh, ekeo vavaka aho,
fa ory sy mahantra aho.
2Arovy ny fanahiko#86,2 Arovy ny fanahiko. Izany hoe, arovy ny aiko., fa tia vavaka aho#86,2 Tia vavaka aho. Ny sasany milaza fa ny hevitr’izany teny izany dia hoe: mazoto amin’ny fivavahanao aho. Ny tena heviny marina dia hoe: anisan’ny olonao aho, anisan’izay tianao sy manana ny fahasoavanao aho.,
vonjeo ny mpanomponao, ry Andriamanitro ô;
fa Ianao no ametrahany ny fitokiany!
3Mamindrà fo amiko, ry Tompo ô,
fa mitaraina aminao, manontolo andro, aho!
4Ampifalio ny fanahin’ny mpanomponao,
fa any aminao, Tompo, no anondrotako ny fanahiko.
5Satria tsara fo sy miantra Ianao, Tompo,
ary feno indrafo ho an’izay rehetra miantso Anao.
6Ry Iaveh, atongilano ny sofinao amin’ny fivavahako,
henoy tsara ny feon’ny fitarainako.
7Miantso Anao amin’ny andron’ny fahoriako, aho,
ka hamaly vavaka ahy, Ianao.
8Tsy misy toa Anao eo amin’ireo andriamanitra,
tsy misy mahatakatra ny asanao, ry Tompo.
9Ho avy ny firenena rehetra nataonao,
hiankohoka eo anatrehanao, Tompo,
ka hanome voninahitra ny Anaranao.
10Fa lehibe sy mahavita fahagagana Ianao,
Ianao irery no Andriamanitra.
11Ampianaro ny lalànao aho, ry Iaveh;
fa te-handeha amin’ny fahitsianao!
Araiketo amin’ny fahatahorana Anao ny foko.
12Hidera Anao amin’ny foko rehetra aho, ry Tompo Andriamanitra ô,
ary hanome voninahitra ny Anaranao mandrakizay.
13Fa lehibe ny hatsaram-ponao amiko,
notsoahanao tany amin’ny Seoly ny fanahiko#86,13 Notsoahanao tany amin’ny Seoly ny fanahiko. Izany teny izany ao amin’ny Baiboly Masina fa indrindra ao amin’ny Salamo sy ny Faminaniana, dia milaza ny nahafahana tamin’ny loza lehibe. Fa ny hevitra ambony noho izany, dia entina milaza an’i Jesoa Kristy nidina tany ambanin’ny tany, ary dia nitsangana ho velona.
14Andriamanitra ô, mitsangan-kamely ahy ny mpiavonavona,
mitady ny aiko ny antokon’olona mpanao an-keriny,
ka tsy asiany raharaha akory Ianao.
15Fa Ianao kosa, Tompo ô, dia Andriamanitra mamindra fo sy miantra,
mahari-po sy be indrafo amam-pahamarinana.
16Mitodiha atỳ amiko, ka amindrao fo aho;
omeo ny herinao ny mpanomponao;
ary vonjeo ny zanaky ny ankizivavinao.
17Aharihario ny indrafonao amiko#86,17 Ahariharinao ny indrafonao amiko, mba tsy hiheveran’ny fahavaloko fa tena nafoinao mihitsy aho.,
ka hahita izany ny fahavaloko, dia ho menatra!
Fa Ianao, ry Iaveh, no mamonjy sy mampionona ahy.
Voafantina amin'izao fotoana izao:
Salamo 86: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.