Salamo 48
48
SALAMO 48 (Volgata 47)
I Siôna tendrombohitr’Andriamanitra
1 Fihirana. Salamon’ny taranak’i Kôre.
2Lehibe i Iaveh, Izy no alehan’ny fiderana rehetra,
ao an-tanànan’ny Andriamanitsika, amin’ny tendrombohitra masina.
3Mitsangana mahafinaritra, fifalian’ny tany rehetra,
ny tendrombohitra Siôna,
eo amin’ny fara vazantany avaratra#48,3 Fara vazantany avaratra. Fiteny mampahatsiaro ny finoan’ny olona taloha, fa hoe any avaratra indrindra no fonenan’ny Andriamaniny.,
ny tanànan’ny Mpanjaka lehibe.
4Ao an-dapany, Andriamanitra,
niseho ho fiarovana.
5Fa he nivory ireo mpanjaka,
dia niara-nandroso izy ireo.
6Kanjo nahita Azy, dia vahotra terỳ,
nivadi-po izy, ka vaky nandositra.
7Hovitra no nahazo azy ireo teo,
fanaintainana hoatra ny an’ny vehivavy miteraka.
8Novakinao amin’ny rivotra avy Atsinanana,
ny sambon’i Tarsisa#48,8 Sambon’i Tarsisa, sambo lehibe enti-manambara ny fananam-pahefana aman-kery..
9Izay efa renay tamin’ny hafa dia ny masonay no nahita,
tao an-tanànan’i Iavehn’ny tafika,
tanànan’ny Andriamanitsika.
Hamafisin’Andriamanitra mandrakizay#48,9 Hamafiny mandrakizay, ny tanàna Jerosalema sy ny Tempoly ao anatiny. Marina izany amin’ny Eglizy izay tandindomin’ny tanàna Jerosalema sy ny tempoly. izy.
- Selà
10Andriamanitro, mahatsiahy ny tantaran’ny hatsaram-ponao izahay,
ao anatin’ny tempolinao.
11Tahaka ny Anaranao, ry Andriamanitra,
toy izany koa ny fiderana Anao
tonga hatrany am-para vazantany.
Feno fahamarinana ny tananao ankavanana.
12Aoka hifaly ny tendrombohitra Siôna,
aoka hiravoravo ny zanaka vavin’i Jodà#48,12 Ny zanaka vavin’i Jodà, dia ny tanàna momba an’i Jerosalema.,
noho ny fitsarànao!
13Mandiava an’i Siôna ianareo; mandehana manodidina azy;
isao ny tranony mimanda.
14Jereo tsara ny mandany;
diniho ireo lapany,
hitantarana azy amin’ny taranaka ho avy.
15Io no Andriamanitra izay Andriamanitsika mandrakizay doria;
Izy no mpitarika antsika amin’ny taona mandrakizay.
Voafantina amin'izao fotoana izao:
Salamo 48: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.