Salamo 44
44
SALAMO 44 (Volgata 43)
Fitomanian’ny firenena
1 Ho an’ny mpampianatra hira. Nataon’ny taranak’i Kôre. Fihirana.
2Andriamanitra ô, ny sofinay mandre,
ny razanay nitantara taminay,
ny asa nataonao tamin’ny androny#44,2 Ny asa nataonao tamin’ny androny: izany hoe ny asa mahagaga nataon’Andriamanitra ho an’ny vahoakany tany Ejipta, tamin’ny Ranomasina Mena, tany amin’ny efitra., tamin’ny andro fahataloha.
3Nandroaka firenena Ianao#44,3 Nandroaka ny firenena Ianao. Ny lazaina amin’izany dia ny Kananeanina izay noroahina tamin’ny taniny, ka ny Hebrio no nipetraka nisolo toerana azy. tamin’ny tananao, hamponenana azy;
nikapoka vahoaka Ianao hanitarana azy.
4Satria tsy ny sabatr’izy ireo no nahazoany ny tany#44,4 Tsy ny sabatr’izy ireo no nahazoany ny tany: Jereo Jôs 2,9; 24,12.,
tsy ny sandrin’izy ireo no nahazoany fandresena,
fa ny tananao ankavanana, ny sandrinao,
ny fahazavan’ny Tavanao, satria tia azy Ianao.
5Ianao no mpanjakako, ry Andriamanitro ô!
Mandidia ny famonjena ho an’i Jakôba!
6Ianao no handavoanay ny fahavalonay,
ny Anaranao no anorotoroanay ny mpanohitra anay.
7Fa tsy matoky amin’izay tsipìkako aho;
tsy hahavonjy ahy ny sabatro.
8Fa Ianao no manafaka anay amin’ny fahavalonay;
sy mampahamenatra an’ireo mankahala anay.
9Andriamanitra no ireharehanay isan’andro,
ary ny Anaranao no derainay mandrakizay!
10Kanjo manosi-bohon-tanana sy manafo-kenatra anay Ianao,
tsy miara-mivoaka amin’ny tafikay intsony.
11Ataonao mikoy eo anatrehan’ny fahavalo izahay,
ary baboin’ireo mankahala anay.
12Atolotrao toy ny ondry enti-kovonoina izahay;
aelinao amin’ny firenena izahay.
13Ataonao varo-boba ny vahoakanao,
fa tsy asianao vidiny ohatrinona akory.
14Ataonao fandàtsan’ny tany ama-monina izahay;
dia faneso amam-panarabian’ny manodidina anay.
15Ampanjarianao ho ambentintenin’ny firenena izahay,
ka ihifikifihan-doha amin’ny vahoaka.
16Eo imasoko lalandava ny fangaihaiko,
ary safotry ny henatra ny tarehiko,
17amin’ny feon’ny mpaneso amam-pamingavinga;
amin’ny fahitana ny fahavalo mbamin’izay mirehitra ny hamaly ratsy.
18Izany rehetra izany no manjò anay,
nefa tsy nanadino Anao izahay;
tsy nivadika tamin’ny fanekenao izahay.
19Tsy nihemotra hianòtra ny fonay;
tsy niala tamin’ny lalanao ny dianay,
20no anorotoroanao anay eo amin’ny fieren’ny amboadia,
sy anaronanao anay amin’ny aloky ny fahafatesana.
21Raha nanadino ny Anaran’Andriamanitra izahay,
sy nanandra-tanana tamin’andriamani-kafa,
22tsy ho hitan’Andriamanitra va izany,
nefa ny miafina ao am-po aza fantany?
23Ianao ihany anefa no amonoana anay#44,23 Ianao ihany anefa no amonoana anay: Jereo Rm 7,36. Ampiharin’i Masindahy Paoly amin’ny Kristianina izay nenjehina sy novonoin’ny mpanompo sampy, izany teny izany. isan’andro,
sy anaovan’ny olona anay toy ny ondry entin-kovonoina.
24Mifohaza, ry Tompo ô! Nahoana no matory Ianao?
Mifohaza, fa aza dia arianao mandrakizay izahay!
25Nahoana no dia afeninao ny Tavanao,
ka hadinonao ny fahantrana amam-pahorianay?
26Fa ny fanahinay, tafahohoka amin’ny vovoka,
ny vatanay tafaraikitra amin’ny tany!
27Mitsangàna hamonjy anay,
afaho izahay noho ny hatsaram-ponao.
Voafantina amin'izao fotoana izao:
Salamo 44: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.