Salamo 39
39
SALAMO 39 (Volgata 38)
Tsinontsinona ny olombelona eo anatrehan’Andriamanitra#39,1 Iditona, mpampianatra hira: izy ilay voatonona ao amin’ny 1Tan 16,41. Amin’ny 1Tan 6,44, dia atao hoe Etàna no anarany.
1 Ho an’ny mpampianatra hira, ho an’i Iditona. Hiran’i Davida.
2Hoy aho: «Hitandrina ny lalako aho,
sao manota amin’ny lelako.
Asiako hidiny ny vavako,
dieny mbola eo anatrehako koa ny ratsy fanahy.»
3Dia lasan-ko moana aho tanatin’ny fanginana,
nangina aho#39,3 Nangina aho, sns. Tsy nitaraina, tsy tezitra izy, na dia nendahana ny fananany rehetra aza. na dia voaesotra amiko aza ny fananana rehetra.
Kanjo nihetsika ny fanaintainako,
4nirehitra tato anatiko ny foko;
tamin’ny fieritreretako dia nisy afo nirehitra,
ka tonga teo amin’ny lelako ny teny.
5Ry Iaveh ô, ampahafantaro ahy ny fara andro hiainako,
dia ny fetry ny androko,
hahafantarako ny maha-mora levona ahy.
6Nataonao vody voampelatanana monja ny androko;
ary toy ny tsinontsinona eo anatrehanao ny fiainako.
Eny, tso-drivotra foana avokoa, ny olombelona velona.
- Selà
7Eny, mandalo toy ny aloka ny olona#39,7 Mandalo toy ny aloka ny olona. Fohy ny andro iainany eto an-tany: ka mampaninona izay fananana; sady avy amin’Andriamanitra no nahatonga azy ho very fananana.;
eny, tsy misy asany ny fikofokofohany;
manangona izy, nefa tsy mahalala izay handray izany.
8Ankehitriny, Tompo ô, inona no azoko antenaina?
Ao aminao ny fanantenako!
9Afaho amin’ny fahadisoako rehetra aho;
aza atao ho fandàtsan’ny adala aho.
10Mangina tsy miloa-bava aho;
fa Ianao no manao izao#39,10 Ianao no manao izao: ka ny mandefitra no sisa atao..
11Avilio tsy hihatra amiko ny fikapohanao:
fa reraka aho, azon’ny hamafin’ny famelezan’ny tananao.
12Raha faizinao ny olona, ka manasazy azy amin’ny fahadisoany Ianao,
dia mandrava izay maminy indrindra, toy ny kalalao Ianao.
Eny, tso-drivotra foana ny olombelona.
- Selà
13Henoy ny fivavahako, ry Iaveh ô,
atongilano ny sofinao amin’ny fitarainako,
aza dia tsy mihontsina amin’ny fitomaniako!
Fa vahiny ao aminao aho,
mpivahiny toy ny razako rehetra.
14Avilio tsy hijery ahy ny masonao, ka avelao mba hisy hiainako,
alohan’ny hahalasanako, ka tsy ho velona intsony aho!
Voafantina amin'izao fotoana izao:
Salamo 39: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.