Salamo 32
32
SALAMO 32 (Volgata 31)
Hasambaran’izay mibaboka heloka
1 Nataon’i Davida. Fisaintsainana masina.
Sambatra izay voaesotra ny helony,
sy voavela ny fahotany#32,1 Voavela ny fahotany. Araka ny fiteny hebrio hoe voasarona, voaesotra ny heloka, tsy tanan’i Iaveh ny heloka, voasarona ny otany: dia ampitomboina ny teny manambara ny hevitry ny famelana ny fahotana, mba hampiharihary fa afaka tokoa izany fahotana izany. Mbola averina lazaina indray izany amin’ny andininy faha-5. Navelanao ny heloky ny fahotako, rehefa niaiky ho diso aho..
2Sambatra ny olona tsy tanan’i Iaveh heloka,
izay tsy misy fitaka ny fanahiny.
3Raha mbola nangina aho, nihalany ny taolako rehetra,
tamin’ny fitolokoko isan’andro.
4Fa nanindry ahy, andro aman’alina, ny tananao;
nihamaina ny herin’ny aiko tamin’ny hainandro lohataona.
- Selà
5Nambarako taminao ny fahotako, tsy mba nafeniko ny heloko.
Hoy aho: «Hiaiky ny fahadisoako amin’i Iaveh aho.»
Dia navelanao kosa ny heloky ny fahotako
- Selà
6Ka aoka hivavaka aminao ny olona tia vavaka rehetra,
amin’ny fotoana mety.
Marina, fa amin’ny fahatondrahan’ny rano be,
dia tsy hahatratra azy izany#32,6 Izay mivavaka tsy ho tratry ny rano be na ny fahoriana valin’ny ota..
7Ianao no fialofako; hiaro ahy amin’ny fahoriana Ianao,
hodidininao hiram-pamonjena aho.
- Selà
8Hampianariko#32,8 Hampianariko, sns. Izany teny izany dia valin-tenin’Andriamanitra amin’ny fangatahana vao nataon’i Davida. sy hasehoko anao izay lalan-kizoranao;
ho mpanolo-tsaina anao Aho, sady hitsinjo anao ny masoko.
9Aza manahaka ny soavaly ama-mole tsy manan-tsaina:
tsy maintsy entina amin’ny vy sakam-bavany
aman-damboridy ireny;
fa tsy mety manaiky izy raha tsy izany.
10Fahoriana be no anjaran’ny ratsy fanahy;
fa fahasoavana kosa no manodidina an’izay matoky an’i Iaveh.
11Mifalia sy miravoravoa amin’i Iaveh ianareo olo-marina,
Manaova hobin-kafaliana ianareo mahitsy fo rehetra!
Voafantina amin'izao fotoana izao:
Salamo 32: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.