Salamo 29
29
SALAMO 29 (Volgata 28)
Antsa ho an’ny Tompo mpanao ny oram-baratra
1 Salamon’i Davida.
Manomeza an’i Iaveh, ry zanak’Andriamanitra#29,1 Ry zanak’Andriamanitra, na ny Anjely.,
manomeza voninahitra sy fahefana ho an’i Iaveh!
2Omeo an’i Iaveh, ny voninahitry ny Anarany.
Mitsaoha an’i Iaveh amin’ny fanamiana masina.
3Mikotrokotroka any ambony rano be ny feon’i Iaveh#29,3 Ny feon’i Iaveh dia ny kotro-baratra.,
mampikotrokorana ny Andriamanitry ny voninahitra;
eny ambony rano be i Iaveh.
4Mafy ny feon’i Iaveh;
be voninahitra ny feon’i Iaveh.
5Manorotoro ny sedera#29,5 Manorotoro ny sedera, sns. Ny ranonoram-baratra sy ny tafio-drivotra manapaka sy mampihetsika mafy ny hazo lehibe sy mafy indrindra. ny feon’i Iaveh;
manorotoro ny sedera any Libàna i Iaveh;
6mampitsambikina azy ireo tahaka ny vantotr’ombalahy Izy,
ka mova tsy ny zanak’ombimanga, i Libàna sy i Siriôna.
7Mampitselatra lelafo ny feon’i Iaveh,
8mampihorohoro ny efitra ny feon’i Iaveh,
mampihorohoro ny efitr’i Kadesa i Iaveh.
9Mampiteraka ny serfa vavy#29,9 Mampiteraka ny serfa vavy, alohan’ny fotoana, noho ny tahotra afitsony azy. Ny herin’Andriamanitra no aseho amin’izany. Koa raha Izy mahery sy mahefa toy izany no mpiaro, iza no tsy hatoky? ny feon’i Iaveh,
sady mampihintsan-dravina ny ala be;
ary ao an-tempoliny ny zava-drehetra samy milaza hoe: «Voninahitra!»
10Amin’ny safodrano dia mipetraka ao ambonin’ny fiketrahany i Iaveh,
mipetraka ao amin’ny fiketrahany ho mpanjaka mandrakizay i Iaveh.
11Hanome hery ny vahoakany i Iaveh:
hanambina ny vahoakany, amin’ny fanomezam-piadanana azy i Iaveh.
Voafantina amin'izao fotoana izao:
Salamo 29: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.