Salamo 21
21
SALAMO 21 (Volgata 20)
Fisaorana noho ny vitan’ny mpanjaka
1 Ho an’ny mpampianatra hira. - Salamon’i Davida.
2Ry Iaveh, mifaly amin’ny herinao ny mpanjaka;
endrey ny haben’ny firavoravoany amin’ny famonjenao#21,2 Ny firavoravoany amin’ny famonjenao. Faly ny mpanjaka, ary misaotra an’Andriamanitra nanampy azy handresy ny fahavalony.!
3Nomenao azy izay nirin’ny fony,
tsy nolavinao izay nangatahin’ny molony.
- Selà
4Fa notsenainao fanambinana fatratra izy;
satroboninahitra volamena madio no nataonao tamin’ny lohany.
5Nangataka aina taminao izy, ka nomenao azy izany;
dia andro lava sy mandrakizay alaovalo.
6Noho ny famonjenao dia lehibe ny voninahiny;
nomenao laza amam-pamirapiratana izy.
7Nataonao fandrotsaham-pitahiana mandrakizay izy;
fenoinao hafaliana eo anatrehan’ny Tavanao izy.
8Fa matoky an’i Iaveh ny mpanjaka,
ka tsy mangozohozo izy noho ny famindram-pon’ny Avo indrindra.
9Ho azon’ny tananao ny fahavalonao rehetra, ry Mpanjaka,
ho azon’ny tananao ankavanana izay mankahala Anao;
10hataonao toy ny fatana mirehitra#21,10 Hataonao toy ny fatana mirehitra: na toy ny memy mivaivay ka ho levona vetivety foana ireo fahavalo ireo (jereo Os 7,7; Mal 3,19). izy,
amin’ny andro fampisehoanao ny Tavanao.
Haringan’i Iaveh amin’ny fahatezerany izy ireo,
ary handevona azy ny afo.
11Hofongoranao eo amin’ny tany ny taranany,
ary eo amin’ny zanak’olombelona ny tamingany.
12Nanao fiomanana handevona anao izy ireo
namoron-kevi-dratsy, nefa tsy hahefa.
13Fa Ianao kosa no hampiamboho azy;
hikendry ny handriny amin’ny tsipìkanao Ianao.
14Mitsangàna amin’ny herinao, ry Iaveh ô,
te hihira sy hankalaza ny fahefanao izahay.
Voafantina amin'izao fotoana izao:
Salamo 21: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.