Salamo 144
144
SALAMO 144 (Volgata 143)
Fangatahana fandresena
1 Nataon’i Davida.
Hisaorana anie i Iaveh Vatolampiko#144,1 Vatolampiko. Fomba fitenin’i Davida ny miantso an’Andriamanitra hoe Vatolampy, satria mahatsiaro ilay vatolampy fialofany fony niandry ondry izy.,
izay nampianatra ny tanako hiady,
ary ny rantsan-tanako hiantafika.
2Mpanao soa ahy aman-trano mimandako,
fialofako avo ama-mpanafaka ahy,
ampingako ama-mpialofako,
izay mandamina ny vahoakako hanoa ahy#144,1-2 Jereo Sal 18,2,3,47; 2Sam 22,4.!
3Iaveh ô, inona moa ny olombelona no mba heverinao,
ny zanak’olombelona, no mba ahìnao#144,3 Jereo Sal 8,5?
4Tahaka ny tso-drivotra ihany ny olombelona;
tahaka ny aloka mandalo foana ny androny#144,4 Sal 28,6 sy ny manaraka..
5Iaveh ô, aondreho ny lanitrao, ka midìna;
tendreo ny tendrombohitra dia aoka hirehitra izy#144,5-7 Jereo Sal 18,5,10,17..
6Aoka Ianao hampanjopiaka ny tselatra ka hampiparitaka ny fahavalo;
alefaso ny zana-tsipìkanao, ka ampifanaritaho ireny.
7Ahinjiro avy any ambony ny tananao
ka afaho sy vonjeo aho amin’ny rano be,
amin’ny tanan’ireo tarana-pirenen-kafa#144,7-8 Fiverenana. Jereo andininy 11.,
8izay mamoaka lainga ny vavany,
ary tanana ankavanana mivadika no tanany ankavanana.
9Andriamanitra, hihira fihiram-baovao ho Anao aho,
hankalaza Anao amin’ny valiha tory folo aho.
10Ianao izay nanome fandresena ny mpanjaka,
sy namonjy an’i Davida mpanomponao amin’ny sabatra mahafaty,
11dia afaho sy vonjeo aho
amin’ny tanan’ireo tarana-pirenen-kafa,
izay mamoaka lainga ny vavany,
ary tanana ankavanana mivadika no tanany ankavanana.
12Hanahaka ny zana-kazo mirobona anie ny zanakay lahy
ka hitombo mandritra ny fahatanorany.
Hanahaka ny andry fehizoro anie ny zanakay vavy,
misy sarin-javatra voasikotra, toy ny amin’ny Tempoly!
13Ho feno mandrakariva anie ny sompitray,
ka ho hipoka vokatra isan-karazany.
Ny ondrinay eny an-tanim-bilonay anie
hitombo arivoarivo sy alinalina,
14ary ny ombinay hahavanona anaka.
Aza misy ao anatin’ny mandanay ny fahabangana na fikoizana,
aza misy re eny amin’ny kianjanay anie ny antso vonjy taitra!
15Sambatra ny firenena, miarana amin’izany zava-tsoa izany.
Sambatra ny firenena manana an’i Iaveh ho Andriamaniny.
Voafantina amin'izao fotoana izao:
Salamo 144: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.