Salamo 142

142

SALAMO 142 (Volgata 141)

Vavak’olona enjehina

1 Fihirana nataon’i Davida: Fony izy tao amin’ilay zohy # 142,1 Tao amin’ilay zohy: jereo 1Sam 22, 24. . Fivavahana.

2Mitaraina amin’i Iaveh amin’ny feoko aho,

mitalaho amin’i Iaveh amin’ny feoko:

3Mamboraka eo anatrehany ny fitarainako aho,

mamosaka eo anatrehany ny fahoriako.

4Raha reraka ato anatiko ny fanahiko#142,4 Raha ato anatiko ny fanahiko: izany hoe, rehefa madiva ho faty aho. Jereo Sal 109,22; 143,4.,

dia fantatrao ny lalako,

fantatrao fa any an-dalana izorako,

amelaran’ireny fandrika hamelezana ahy.

5Topazo maso eo ankavanana ka zahao:

tsy misy mahalala ahy akory;

ny fialofako tsy misy velively,

tsy ahoan’ny olona akory ny aiko#142,5 Jereo Sal 78..

6Mitaraina aminao aho, ry Iaveh,

hoy aho: «Ianao no fialofako,

anjarako eo amin’ny tanin’ny velona.»

7Atongilano ny sofinao amin’ny fitarainako,

fa fadiranovana izaitsizy aho,

afaho amin’ireo manenjika ahy aho,

fa mahery noho izaho izy ireo#142,7 Jereo Sal 69,18; 27,9; 102,3; 28,1; 88,5..

8Esory amin’ity tranomaizina ity ny fanahiko,

mba hankalazako ny Anaranao,

hahazo voninahitra miaraka amiko ny marina,

noho ny nanasoavanao ahy.

Voafantina amin'izao fotoana izao:

Salamo 142: MBC

Asongadina

Hizara

Dika mitovy

Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra

Andinin-tSoratra Masina malaza indrindra nalaina tao amin'ny
Salamo 142