Salamo 138
138
SALAMO 138 (Volgata 137)
Antsa fisaorana
1Nataon’i Davida.
Sitrako ny midera Anao amin’ny foko rehetra,
sy hihira ho Anao amin’ny harpa eo anatrehan’ireo andriamanitra.
2Sitrako ny miankohoka eo an-tempolinao masina,
sy hankalaza ny Anaranao,
noho ny hatsaram-ponao amam-pahamarinanao,
fa nanao fampanantenana lehibe Ianao,
mihoatra noho ny voninahitra ny Anaranao.
3Tamin’ny andro niantsoako Anao nanaiky ahy Ianao,
naverinao amin’ny fanahiko ny tanjaka aman-kerim-po.
4Hidera Anao, ry Iaveh, ny mpanjaka rehetra amin’ny tany,
rehefa mandre ny teny tò naloaky ny vavanao.
5Hankalaza ny lalan’i Iaveh#138,5 Lalan’i Iaveh: Ny sasany milaza fa izany dia manambara ny lalana mankany Jerosalema; ny sasany kosa milaza fa ny heviny dia hoe: Mihira ny asa sy ny fitondran’ny Tompo. izy ireo,
fa lehibe ny voninahitr’i Iaveh.
6Fa avo i Iaveh ka mijery#138,6 Avo i Iaveh ka mijery, sns. Na dia any amin’ny fitoerana avo indrindra aza ny Tompo, dia samy hitany daholo ny zavatra makadiry indrindra sy ny kely indrindra, ny avo indrindra sy ny ambany indrindra. Ka samy mibaribary amin’ny fijeriny avokoa na ny lanitra tsy hita polopolorina na izay zavatra faran’ny kely bitika indrindra. ny iva toetra,
ary fantany eny lavitra eny, ny mpiavonavona.
7Raha mizotra eo afovoan’ny fahoriana aho,
dia velominao indray,
maninji-tanana hanohana ny hatezeran’ny fahavaloko Ianao,
ary mamonjy ahy ny tananao ankavanana.
8Hotanterahin’i Iaveh izay nataony ho ahy,
Iaveh ô, mandrakizay ny hatsaram-ponao:
Aza mahafoy ny asan-tananao!
Voafantina amin'izao fotoana izao:
Salamo 138: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.