Salamo 114
114
SALAMO 114 (Volgata 113 A)
Antsa fanao amin’ny Paka
1Raha nivoaka tany Ejipta i Israely
ka niala tamin’ny firenena barbarianina ny fianakavian’i Jakôba,
2I Jodà no tonga#114,2 I Jodà no tonga, sns. Izany hoe: amin’ny zara tanin’i Jodà, ao Jerosalema, no nanorenana ny tempoly sy fitoerana masina ho an’i Iaveh. fitoerany masina,
i Israely no fanjakany.
3Nahita azy ny ranomasina dia nandositra,
i Jordany nianòtra niverina.
4Ny tendrombohitra nifalihavanja, tahaka ny ondralahy;
ary ny havoana tahaka ny zanak’ondry.
5Maninona ity ianao no mandositra, ry ranomasina?
ary ity ianao no mianòtra miverina, ry Jordany?
6Nahoana ireto ianareo, ry tendrombohitra,
no mifalihavanja hoatra ny ondralahy
ary ianareo ry havoana, toy ny zanak’ondry?
7Mangovita eo anatrehan’ny Tavan’ny Tompo, ry tany,
dia eo anatrehan’ny Tavan’ny Andriamanitr’i Jakôba,
8izay manova ny harambato ho farihy
ary ny vatolampy ho loharano.
Voafantina amin'izao fotoana izao:
Salamo 114: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.