Ohabolana 7
7
1Anaka, tano ny teniko,
tahirizo ao aminao ny didiko.
2Tandremo ny didiko, dia ho velona ianao,
tandremo hoatra ny anakandriamasonao ny fampianarako.
3Afehezo ho eo ambonin’ny rantsan-tananao izy.
soraty eo amin’ny latabatry ny fonao izy.
4Ny fahendrena ilazao hoe: Anabaviko ianao.
Ary ny fahalalana antsoy hoe sakaizanao,
5mba hiarovany anao amin’ny vadin’ny namana,
sy amin’ny vehivavy an’olon-kafa#7,5 Vehivavy an’olon-kafa: izany dia milaza ny vehivavy efa manam-bady nefa ratsy fitondran-tena; mifanaraka amin’io teny io ireo ao amin’ny andininy 19 sy 20. manao teny mandrobo.
6Teo am-baravarankelin’ny tranoko,
nitazana teo amin’ny makarakara#7,6 Makarakara. Any Palestina taloha, dia tsy mba nasiana fitaratra ny varavarankely, noho ny hafanana be loatra any; fa varavarankely makarakara azo ampakarina sy ampidinina misy lambany no atao. Araka ny Septanta dia ny vehivavy janga no lazaina eto ho mijerijery eo am-baravarankely ny andehanan’ny zatovo adala. aho.
7Tsikaritro teo amin’ireo tsy ampy saina,
nahatsikaritra zazalahy iray kely saina,
tamin’ireo zatovo ireo, aho.
8Nandao teo an-dalambe, anilan’ny fonenan’ny vehivavy an’olon-kafa izy,
dia nandroso ho eo amin’ny tranony.
9Efa takariva izay, ilay efa somambisamby iny,
tao anatin’ny alina sy ny haizina.
10Dia indro izy nohatonim-behivavy anankiray
manao fitafian’olon-janga, manafin-kevitra am-po.
11Mihavatravatra tsy azo atao amin’ahoana,
tsy mahapetraka an-trano ny tongony;
12mbetika erỳ an-dalam-be, mbetika erỳ amin’ny kianja,
ary eny an-joron-trano rehetra eny izy no mitsikilo.
13Nosavihiny ity zazalahy, dia norohany,
ary sady nanao tarehin’ny tsy valahara izy no milaza aminy hoe:
14«Tsy maintsy nanatitra sorom-pihavanana#7,14 Sorom-pihavanana. Amim-pihatsarambelatsihy no anaterany izany, mba ho hita fa mahatanteraka ny lalàn’i Môizy izy Lev 7,15; sy ny manaraka, 29,6; 22,29-30. Amin’ny sorom-pihavanana dia nomena an’izay manatitra ny sorona ny tapany mba hohaniny miaraka amin’ny havany. aho,
ary nefaiko androany ny voadiko.
15Ka dia nivoaka hitsena anao aho,
mba hitady anao, ka indro, nahita tokoa.
16Ny farafarako efa nasiako rako-pandriana,
dia lamba fandrakofana folin’i Ejipta;
17Ny fandriako efa norarahako zava-manitra,
dia mira, aloesy, ary sinamôma.
18Andeha isika hivoky fitia, mandra-paharain’ny andro,
andeha isika hiarana amin’ny fahafinaretan’ny nofo.
19Fa tsy ao an-trano ny vadiko,
lasa nivahiny lavitra izy.
20Nentiny any aminy any, ny kitapom-bola.»
21Ambosiny amin’ny teny maro eo izy,
ary taominy amin’ny tenin’ny molony;
22dia rafitra nanaraka azy miaraka amin’izay izy,
tahaka ny omby entina hovonoina,
tahaka ny adala mihazakazaka ho any amin’ny gadra anasaziana azy,
23mandra-pilentiky ny zana-tsipìka amin’ny atiny;
tahaka ny vorona miantoraka amin’ny fandrika,
tsy mahalala fa mihatra amin’ny ainy izany.
24Ka ankehitriny, anaka, henoy aho,
ary henoy tsara ny teny aloaky ny vavako.
25Aoka ny fonao tsy hivily hankany amin’ny lalan’io,
aza maniasia any amin’ny sakeli-dalany.
26Fa maro no efa noratrain’izy io,
ary betsaka no voan’izy io.
27Ny tranony dia lalana mankany amin’ny Seoly,
izay midina ho any amin’ny fonenan’ny fahafatesana.
Voafantina amin'izao fotoana izao:
Ohabolana 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.