Ohabolana 2
2
Ny Fahendrena manafaka amin’ny fiarahana amin’ny ratsy
1Anaka, raha mandray ny teniko#2,1 Raha mandray ny teniko: izany hoe, raha tananao mafy tsara ao am-ponao ny teniko, toy ny fitanan’ny olona ny rakitra mba tsy ho azon’iza na iza alaina. ianao,
ary mitana ny didiko ao aminao,
2mampandry sofina tsara hihaino ny fahendrena ianao,
ka mampiròna ny fonao ho amin’ny fahalalana;
3eny, raha miantso ny fahamalinana ianao,
ka manandra-peo amin’ny fahafantarana,
4raha mikaroka azy toy ny fikaroka volafotsy#2,4 Toy ny fikaroka volafotsy: izay hadìna any ambanin’ny tany. ianao,
ka mandalina azy toy ny fihady rakitra;
5dia ho azonao an-tsaina ny fahatahorana an’i Iaveh,
ary ho hitanao amin’izany ny fahalalana an’Andriamanitra.
6Fa i Iaveh no manome ny fahendrena;
avy amin’ny Vavany no ivoahan’ny fahaizana amam-pahamalinana.
7Mitahiry ny fahasambarana ho an’ny olona mahitsy fo izy,
ary ampinga ho an’izay mandeha amin’ny fahalavorariana.
8Miaro ny sakeli-dalan’ny fahamarinana izy,
miambina ny lalan’izay miraiki-po aminy.
9Amin’izay dia ho fantatrao ny fahamarinana sy ny rariny,
ary ny hitsiny mbamin’ny lalana rehetra ho amin’ny tsara.
10Rehefa tonga ao am-ponao ny fahendrena,
ka hankafizin’ny fanahinao ny fahaizana,
11dia hitandrina anao ny fisainana,
ary hiambina anao ny fahalalana,
12mba hanafaka anao amin’ny lalan’ny ratsy fanahy,
amin’ny olona manao resaka ratsy,
13amin’izay miala amin’ny lala-mahitsy,
ka mizotra amin’ny lalana maizina;
14ary ny manao ratsy no ifaliany
sy izay faharatsiana mihoa-pampana no iravoravoany;
15sakeli-dalana miolikolika no alehany
ary lalana miolakolaka no ombany;
16hanafaka anao amin’ny vehivavy efa an’ny hafa,
amin’ny vehivavy efa an’olon-kafa izay manao teny mandrobo,
17izay mandao ny naman’ny fahatanorany#2,17 Naman’ny fahatanorany. Izany dia milaza ny vehivavy izay fony mbola tanora virjiny no nalaina ho vady.,
sy manadino ny fanekeny amin’ny Andriamaniny;
18fa efa miraika ho amin’ny fahafatesana izy sy ny tranony,
ary mankany amin’ny afobe ny lalany;
19tsy misy miverina izay rehetra mandeha aminy,
tsy misy mahita ny lalan’ny fiainana intsony na dia iray aza.
20Dia handeha amin’ny lalan’ny olona tsara fanahy ianao,
ary hifikitra amin’ny lalan’ny marina.
21Satria ny olo-mahitsy fo no honina amin’ny tany#2,21 Honina amin’ny tany: izany hoe, honina amin’ny tanindrazana amim-pitokiana sy fanambinana maharitra, araka ny efa voalazan’i Môizy tamin’izay rehetra mitandrina tsara ny lalàn’ny Tompo (Eks 20,12; Lev 25,18; 26,5; sns.), sy araka ny tenin’i Jesoa Kristy amin’izay rehetra malemy fanahy (Mt 5,4). Tsy ny tany izay iadanan’ny nofo ihany no lazain’ny Soratra Masina, fa ny lanitra indrindra, izay fonenan’ny velona amin’ny fahafinaretana mandrakizay.,
ary ny olo-marina no ho tafatoetra eo#2,21 Ho tafatoetra eo, izy mbamin’ny taranany mandimby azy..
22Fa ny ratsy fanahy kosa hofongorana amin’ny tany,
ary ny mpivadika hongotana hiala eo.
Voafantina amin'izao fotoana izao:
Ohabolana 2: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.