Nehemia 7
7
1Nony vita ny manda ka efa nalatsako ny lela vavahady, dia ny mpiandry varavarana, ny mpihira, ny levita no napetraka hiambina. 2Ary i Hananì rahalahiko sy i Anania lehiben’ny rova no nomeko fahefana amin’i Jerosalema, fa lehilahy mahatoky sy mahatahotra an’Andriamanitra mihoatra noho ny maro izy. 3Dia hoy aho tamin’izy ireo: «Aza vohaina ny vavahadin’i Jerosalema mandra-pahatongan’ny hafanan’ny masoandro, ary ny hariva dia ny mbola eo ny mpiambina no hanidiana ny vavahady sy hametrahana ny barany, ary amin’ny alina, dia hanendrena mpiambina ny mponina eto Jerosalema samy hatao amin’ny anjara toerany ny tandrifin’ny tranony#7,3 Tandrifin’ny tranony. Ny olona manana trano manolotra ny manda dia samy nanendry amin’ny ankohonany izay hiambina amin’ny manda tandrifin’ny tranony. avy.»
Nonenana indray i Jerosalema
4Sady malalaka no lehibe ny tanàna, nefa vitsy ny mponina eo afovoany, sady mbola tsy voaorina indray ny trano. 5Ka nomen’Andriamanitra hevitra aho hamory ny lehibe sy ny andriambaventy mbamin’ny vahoaka, mba hakana ny isany. Ary nahita boky nanoratana ny firazanan’izay#7,5 nahita boky nanoratana ny firazanana: Io tetiarana io tsy hafa amin’ilay voasoratra ao amin’i Esd 2,1-67. Nefa samy hafa kely ihany, avy amin’ny tsy fitandreman’ny mpikopia. Ohatra, Sariasa, Rahelaiasa, Mesfara, Rehoma ao amin’i Esd 2,7; dia miova eto ho Azariasa, Raamiasa, Mesfarata, Nahoma. Ny sasany koa tsy voadika eto ny anarany. Ny isa koa misy tsy mitovy kely ihany. niakatra voalohany aho, ka izao no hitako voasoratra ao:
Anaran’ireo Siônista voalohany sy isany
(Jereo Esd 2,1-70)
6Ireto ny ambanivohitra avy nasesitany izay nentin’i Nabokodonozora, mpanjakan’i Babilôna, ho babo ary niverina ho any Jerosalema sy i Jodà, samy any an-tanànany avy; 7dia ireo niara-niverina tamin’i Zôrôbabela, i Jôsoe, i Nehemia, i Azariasa, i Raamiasa, i Nahamanì, i Mardokea, i Belsàna, i Mesfarata, i Beboaì, i Nahoma, i Baanà.
Izao no isan’ny lehilahy tamin’ny vahoakan’i Israely: 8nisy 2.172 ny taranak’i Farosa; 9nisy 372, ny taranak’i Safatiasa; 10nisy 652, ny taranak’i Areà; 11nisy 2.818, ny taranak’i Fahata-Moaba, avy amin’ny taranak’i Jôsoe sy i Jôaba; 12nisy 1.254, ny taranak’i Elama; 13nisy 845 ny taranak’i Zetoà; 14nisy 760, ny taranak’i Zakaì; 15nisy 648, ny taranak’i Banaì; 16nisy 628 ny taranak’i Bebaì; 17nisy 2.322, ny taranak’i Azgada; 18nisy 667 ny taranak’i Adônikama; 19nisy 2.067 ny taranak’i Begoai; 20nisy 655 ny taranak’i Adìna; 21nisy 98, ny taranak’i Atera, zanak’i Ezekiasa; 22nisy 328 ny taranak’i Hasema; 23nisy 324 ny taranak’i Besaì; 24nisy 112, ny taranak’i Harefa; 25nisy 95, ny taranak’i Gabaôna; 26nisy 188, ny mponina tao Betlehema sy i Netôfa; 27nisy 128 ny mponina tao Anatôta; 28nisy 42 ny mponina tao Beta-Azmôta; 29nisy 743 ny mponina tao Kariatiarima sy i Kefirà ary i Berôta; 30nisy 621, ny mponina tao Ramà sy i Gabaà; 31nisy 122 ny mponina tao Makmasa; 32nisy 123 ny mponina tao Betela sy i Haì; 33nisy 52 ny mponina tao amin’ny Nebao anankiray#7,33 Nebô anankiray: Tanàna hafa amin’ilay Nebô efa voalaza ao amin’ny Fanis 32,3; Iz 15,2.; 34nisy 1.254 ny taranak’i Elama anankiray; 35nisy 320 ny taranak’i Harema; 36nisy 345 ny zanak’i Jerikô; 37nisy 721 ny zanak’i Loda sy i Hadida ary i Onô; 38ary nisy 3.930, ny zanak’i Senaà.
39Mpisorona: 973 ny taranak’i Idaiasa, avy amin’ny fianakavian’i Jôsoe; 40nisy 1.052 ny taranak’i Emera; 41nisy 1.247 ny taranak’i Faseora; 42ary nisy 1.017 ny taranak’i Arema.
43Levita: 74 ny taranak’i Josoe sy i Kedmiela avy amin’ny taranak’i Odoiasa. 44Mpihira: 148 ny taranak’i Asafa. 45Mpiandry varavarana: 138 ny taranak’i Seloma, ny taranak’i Atera, ny taranak’i Telmôna, ny taranak’i Akoba, ny taranak’i Hatita ny taranak’i Sôbay.
46Natineanina: ny taranak’i Sohà, ny taranak’i Hasofà, ny taranak’i Tebaôta; 47ny taranak’i Kerôsa, ny taranak’i Sià, ny taranak’i Fadôna; 48ny taranak’i Lebàna, ny taranak’i Hagabà; 49ny taranak’i Selmay, ny taranak’i Hanàna, ny taranak’i Gedela, ny taranak’i Gahera, 50ny taranak’i Raaiasa, ny taranak’i Rasìna, ny taranak’i Nekôdà, 51ny taranak’i Gezema, ny taranak’i Azà, ny taranak’i Faseà, ny taranak’i Besea, 52ny taranak’i Monima, ny taranak’i Nefosima; 53ny taranak’i Bakboka, ny taranak’i Hakofà; 54ny taranak’i Harora, ny taranak’i Beslota, ny taranak’i Mahidà, ny taranak’i Harsà, 55ny taranak’i Berkôsa, ny taranak’i Sisarà, ny taranak’i Temà, 56ny taranak’i Nasià, ny taranak’i Hatifà. 57Taranaky ny mpanompon’i Salômôna: ny taranak’i Sôtaì, ny taranak’i Sôfereta, 58ny taranak’i Faridà, ny taranak’i Jahalà, ny taranak’i Darkôna, ny taranak’i Jedela, 59ny taranak’i Safatiasa, ny taranak’i Hatilà, ny taranak’i Fôkereta-Asebaima, ny taranak’i Amôna. 60Ary nisy 392 no tontalin’ny Natineanina sy ny taranaky ny mpanompon’i Salômôna.
61Izao no nandeha niala tany Tel-Melà, Tel-Harsà, Keroba, Adaona, ary Emera, izay tsy nahalaza ny fianakavian-drainy amam-pirazanany, hanamarina ny maha-Israely azy: 62ny taranak’i Dalaisa, ny taranak’i Tobia, ny taranak’i Nekôdà, 642. 63Ary ny tamin’ny mpisorona dia ny taranak’i Hôbià, ny taranak’i Akôsa, ny taranak’i Berzelai, izay naka ho vady ny anankiray tamin’ny zanaka vavin’i Berzelai, Galaadita, ka dia nantsoina amin’ny anarany. 64Nikaroka ny taratasy vavolombelon’ny firazanany izy ireo, fa tsy nahita, ka dia nolazaina ho tsy madio, tsy mahatana ny fisoronana; 65ary noraran’ny governora tsy hihinana ny zavatra masina indrindra izy ireo, mandra-pitsangan’izay mpisorona hanontany amin’Andriamanitra, amin’ny Orima sy ny Tomima.
66Ary nisy 42.360 no tontalin’ny fiangonana rehetra, 67afa-tsy ny mpanompony, lahy amana vavy, izay nisy 7.337. Nisy mpihira, lahy amana vavy, 200 tamin’izy ireo. 68Ary izao no nananany: soavaly 736, mole 245, 69rameva 435, ary ampondra 6.720.
70Maro tamin’ny loham-pianakaviana no nanao fanomezana, hanaovana ny asa. Ny governora nanome darìka volamena 1.000, kopy 50, akanjom-pisoronana 530, hatao amin’ny rakitra#7,70 Hatreto ny teny nadika avy amin’ilay boky misy ny tetiarana.. 71Ny sasany amin’ny loham-pianakaviana nanome darìka volamena 20.000, mina volafotsy 2.200, hatao amin’ny rakitra hanaovana ny asa. 72Ny vahoaka sisa kosa nanome darìka volamena 20.000, mina volafotsy 2.000, ary akanjom-pisoronana 67.
73Dia toy izany no nahatafapetraka tamin’ny tanànany avy ny mpisorona sy ny levita, ny mpihira, ny mpiandry varavarana, ny olona amin’ny ankapobem-bahoaka, ny Natineanina, ary i Israely rehetra.
Voafantina amin'izao fotoana izao:
Nehemia 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.