Matio 17

Ny niovan’i Jesoa tarehy

(Jereo Mk 9,2-8; Lk 9,28-36; 2Pier 1,16-18)

1Rehefa afaka henemana taorian’izany, nalain’i Jesoa i Piera sy i Jakôba ary i Joany rahalahiny, ka nentiny nitokana tany an-tendrombohitra avo. 2Dia niova tarehy teo anatrehany Izy; ka ny Tavany namirapiratra tahaka ny masoandro, ny fitafiany tonga fotsy mangatsakatsaka tahaka ny fahazavana. 3Ary indreo niseho tamin’izy ireo i Môizy sy i Elia#17,3 I Môizy sy i Elia. Dia ny Lalàna sy ny Mpaminany, solontenan’ny Testamenta Taloha manontolo. niresaka tamin’i Jesoa. 4Dia niteny i Piera nilaza tamin’i Jesoa hoe: «Tompo, mahafinaritra ny mitoetra atỳ; ka raha sitrakao, andeha hanao lay telo atỳ, ny iray ho anao, ny iray ho an’i Môizy, ary ny iray ho an’i Elia.» 5Fa raha mbola niteny Izy, dia indro nisy rahona mazava nanarona azy ireo#17,5 Nanarona azy ireo. Dia izy rehetra mbamin’i Jesoa. Ny rahona milaza fa ao Andriamanitra.. Ary injao nisy feo avy tamin’io rahona io nanao hoe: «Ity no Zanako malalako, izay sitrako indrindra: henoy Izy.» 6Nony nandre izany ny mpianatra, dia lavo niankohoka sy natahotra indrindra. 7Fa nanatona azy i Jesoa dia nanohina azy, ka nanao taminy hoe: «Mitsangàna, fa aza matahotra.» 8Nony niandrandra izy ireo, dia tsy nahita olona afa-tsy i Jesoa irery.

Fanontaniana momba an’i Elia

(Jereo Mk 9,9-13)

9Ary rehefa nidina avy tany an-tendrombohitra izy, dia hoy i Jesoa nandrara azy ireo: «Aza milaza na amin’iza na amin’iza izay vao hitanareo, ambara-pitsangan’ny Zanak’olona amin’ny maty.» 10Dia nanontany Azy ny mpianany nanao hoe: «Ahoana àry no ilazan’ny mpanora-dalàna fa tsy maintsy ho avy aloha i Elia?» 11Ary namaly Izy ka nanao hoe: «Tsy maintsy ho avy tokoa i Elia, ka hanavao ny zavatra rehetra. 12Nefa lazaiko aminareo fa tonga sahady i Elia, fa tsy fantatry ny olona izy, ka nanaovany izay sitraky ny fony. Ary ho tahaka izany koa no hampijaliany ny Zanak’olona.» 13Dia fantatry ny mpianatra tamin’izay fa i Joany Batista no nolazainy taminy.

Ilay voan’ny androbe azon’ny demony

(Jereo Mk 9,14-29; Lk 9,37-43)

14Ary rehefa tonga teo amin’ny vahoaka Izy, dia nisy lehilahy anankiray nanatona Azy, ka nandohalika teo anatrehany nanao hoe: «Tompo, mamindrà fo amin’ny zanako lahy; mararin’ny androbe izy ka mijaly mafy loatra, fa matetika mianjera any anaty afo, ary matetika koa any anaty rano. 15Nentiko tamin’ny mpianatrao izy, fa tsy nahasitrana azy izy ireo.» 16Ary namaly i Jesoa nanao hoe: «Ry taranaka tsy mino sy ratsy fanahy, mandra-pahoviana no hitoerako aminareo? Mandra-pahoviana no handeferako aminareo? Ento atỳ amiko izy.» 17Dia norahonan’i Jesoa ny demony ka nivoaka, ary sitrana niaraka tamin’izay razazalahy. 18Tamin’izay, dia nanatona an’i Jesoa mangingina ny mpianany ka nanao hoe: «Nahoana no tsy naharoaka azy izahay?» 19«Noho ny tsy fahampian’ny finoanareo,» hoy i Jesoa taminy.

(Jereo Lk 17,6; Mk 11,22-23; Mt 21,21)

Fa lazaiko marina aminareo, fa raha manam-pinoana hoatra ny voan-tsinapy iray aza ianareo, ka hiteny amin’io tendrombohitra io hoe: «Mifindrà erỳ ianao, dia hifindra izy, ary tsy hisy tsy ho azonareo atao. 20Iny karazana iny#17,20 Iny karazana iny, sns. Dia tsy karazan-demony manokana izany angamba, fa ny demony rehetra tsy an-kanavaka. anefa tsy azo roahina raha tsy amin’ny fivavahana sy amin’ny fifadian-kanina.»

Fanindroany nanambaràna ny Fijalian’i Jesoa

(Jereo Mk 9,30-32; Lk 9,44-45)

21Raha nitety an’i Galilea izy ireo, dia hoy i Jesoa taminy: «Efa hatolotra eo an-tanan’ny olona ny Zanak’olona, 22ary hovonoina Izy, nefa hitsangana amin’ny andro fahatelo.» Dia nalahelo mafy izy ireo.

Hetra ho an’ny Tempoly naloan’i Jesoa sy i Piera la grika: 800 ariary angamba, no dragma iray.

23Nony tonga tany Kafarnaoma izy ireo, dia nanatona an’i Piera ny mpamory ny hetra dragma roa#17,23 Dragama roa na didragma, vola grika, ka nanao hoe: «Moa tsy mba mandoa ny dragma roa va ny Mpampianatra anareo?» 24«Mandoa Izy» hoy i Piera. Ary raha niditra tao an-trano izy, dia notsenain’i Jesoa nilazany hoe: «Ahoana no hevitrao, ry Simôna? Iza moa no angalan’ny mpanjaka etỳ an-tany hetra sy hajia? ny zanany sa ny olon-kafa?» 25«Ny olon-kafa» hoy i Piera taminy: «Raha izany àry, hoy i Jesoa, dia afaka ny zanany#17,25 Ny zanany. Dia izy indrindra Zanak’Andriamanitra.. 26Kanefa sao manafintohina azy isika, ka mandehana manjono any amin’ny ranomasina ianao, dia raiso ny hazandrano azonao voalohany, ka sokafy ny vavany, fa hahita vola dragma efatra#17,26 Dragama efatra na statera, vola grika mitovy amin’ny volan’ny Jody atao hoe sikla, sahabo ho 4200 ariary. ao ianao, ka alao, dia aloavy ho Ahy sy ho anao.»

Voafantina amin'izao fotoana izao:

Matio 17: MBC

Asongadina

Hizara

Dika mitovy