Jôba 8
8
Ny tsy maintsy ho fandehan’ny fahamarinan’Andriamanitra
1Dia niteny i Baldada avy any Sohe tamin’izay ka nanao hoe#8,1 Mitovitovy ihany amin’ny an’i Elifaza ny hevitra aposak’i Baldada; fa ny teniny no mafy kokoa indray noho ny an’ilay namany.:
2«Mandra-pahoviana no hanaovanao teny toy izany,
sy vava miloaka toy ny tafio-drivotra mifofofofo?
3Andriamanitra va hampandefitra ny rariny,
ny Tsitoha va hamadika ny fahamarinana?
4Ny zanakao aloha raha nanota taminy,
dia natolony ho eo am-pelatanan’ny haratsiany.
5Ianao kosa, raha mangata-bonjy amin’Andriamanitra ianao,
raha mitalaho amin’ny Tsitoha ianao,
6raha madio sy mahitsy fo ianao,
dia hiambina anao Izy,
haveriny amin’ny fiadanany#8,6 Averiny amin’ny fiadanany ny fonenan’ny fahamarinanao: Raha madio tsy manam-pahotana ianao, dia hataon’Andriamanitra manjaka indray ao an-tranonao ny fiadanana sy ny fanambinana. Fonenan’ny fahamarinanao: Izany hoe, hanjaka ao an-tranonao ianao. indray ny fonenan’ny fahamarinanao,
7ka hataonao zavatra kely foana ny toetranao voalohany
noho ny faharoa efa lasa ambony loatra.
8Anontanio ange ny olona tany aloha;
diniho ange izay efa notsapain’ny razana;
9satria isika vao omaly, ka tsy mahalala na inona na inona,
ny androntsika eto an-tany mihelina toy ny aloka,
10fa ireny kosa, tsy hanoro anao sy hilaza aminao va,
ka hamoaka oha-teny avy ao am-pony?
11Maniry eny ivelan’ny heniheny va ny zozoro?
mitrebona tsy misy rano va ny harefo?
12Mbola tanora, tsy voatapaka akory izy,
dia maina, alohan’ny zava-maitso eny an-tsaha.
13Toy izany koa ny lalan-kalehan’izay manadino an’Andriamanitra,
ho levona ny fanantenan’ny tsy mpivavaka.
14Ho maito ny tokiny,
hanahaka ny tranon-kala ny fitokiany.
15Miankina amin’ny tranony izy, nefa tsy mafy orina io;
mifikitra aminy izy, nefa tsy mahajoro io.
16Be aina eo ambany masoandro izy;
misandrahaka eo amin’ny tanimboliny, ny rantsany;
17mifandiditra eo amin’ny korontam-bato ny fakany;
tafalentika hatreo ambanin’ny vato izy.
18Raha voafongotra teo amin’ny fitoerany izy,
dia lavin’ny fitoerany#8,18 Lavin’ny fitoerany: Rehefa latsaka amin’ny fahoriana ny ratsy fanahy, dia halavirin’ny olon-drehetra, na dia izay nifankazatra taminy indrindra aza. ataony hoe:
‹Tsy nahita anao na oviana na oviana aho›.
19Ka tapitra hatreo ny fijaliany
fa hafa indray no hisandratra avy amin’io tany io#8,19 Toy ny ahitra ny ratsy fanahy: Izany hoe mirobona izy, dia mihamaina ka maty..
20Tsia. Andriamanitra tsy manary ny tsy manan-tsiny;
Izy tsy mitantana ny mpanao ratsy.
21Hataony feno hehy mikakakaka ny rovanao,
hataony eo amin’ny molotrao ny hira fifaliana.
22Ho safo-kenatra ny fahavalonao;
ary ho fongotra ny lain’ny ratsy fanahy#8,20-22 Raha marina ianao tsy harian’ny Tompo: fa hatsangany indray amin’ny fahasambaranao teo aloha, ary ny fahavalonao hosaforany henatra. ».
Voafantina amin'izao fotoana izao:
Jôba 8: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.