Jeremia 39
39
Ny nanjò an’i Jeremia nony nirodana i Jerosalema
(Jereo 2Mpa 25,1-21)
# 39 Ny voalaza rehetra amin’ity toko ity dia ampitahao amin’ny 2Mpa 25; Jer 52. 1Tamin’ny volana fahafolo#39,1-2 Tamin’ny volana fahafolo, sns. Ny fahirano nataon’i Nabokodonozora, dia naharitra 18 volana latsaka indray andro. Jereo toko 52,3-5; 2Mpa 25,4-7., amin’ny taona fahasivy nanjakan’i Sedesiasa, mpanjakan’i Jodà, dia tonga teo anoloan’i Jerosalema i Nabokodonozora, mpanjakan’i Babilôna, mbamin’ny tafiny rehetra, ka nanao fahirano azy. 2Tamin’ny taona faha-11 nanjakan’i Sedesisa, volana fahefatra, andro fahasivin’ny volana, dia nisy voabanga ny tanàna; 3ka niditra avokoa ny mpanapaky ny mpanjakan’i Babilôna, ary naka toerana mafy teo amin’ny vavahady afovoany, dia i Nergaly-Seresera mpiambina ny trano firaketana, i Nabo-Sarsakima lehiben’ny eonòka, i Nergaly-Seresera lehiben’ny majy, mbamin’ny sisa rehetra amin’ny mpanapaky ny mpanjakan’i Babilôna.
4Nony nahita azy ireo i Sedesiasa, mpanjakan’i Jodà, mbamin’ny lehilahy mpiady rehetra, dia nandositra sy nivoaka ny tanàna tamin’ny alina, nihazo ny lalan’ny zaridainan’ny mpanjaka, teo amin’ny vavahady anelanelan’ny manda roa izy, dia niditra ny lalana mankany amin’ny tany lemaka. 5Nenjehin’ny tafiky ny Kaldeanina anefa izy ireo, ary tratrany teo amin’ny tany lemak’i Jerikô i Sedesiasa. Dia noraisin’izy ireo izy ka nentiny niakatra ho any amin’i Nabokodonozora, mpanjakan’i Babilôna, tao Reblà#39,5 Reblà. Izay atao hoe Rible ankehitriny, dia vohitra kely sahabo ho lalana adiny 7 na 8 ao atsimo andrefan’i Emesa (ankehitriny Homisa) eo amoron’i Orônto., amin’ny tanin’i Emata, ka namoaka teny fitsarana momba azy izy.
6Ireo zanaka lahin’i Sedesiasa novonoin’ny mpanjakan’i Babilôna teo imasony, tao Reblà; ny lehibe rehetra tamin’i Jodà, novonoin’ny mpanjakan’i Babilôna koa. 7Raha efa izany dia nopotsiriny ny mason’i Sedesiasa#39,7 Nopotsiriny ny mason’i Sedesiasa. Fomba fampahoriana mafy loatra izany, mova tsy ilay nataon’ny Filistinina tamin’i Samsôna. Ao amin’ny tsangam-baton-dry zareo Asirianina dia nisy sarin’ny mpanjaka manindrona amin’ny lohalefony ny mason’ny mpanjaka izay azony babo., ary nafatony tamin’ny rojo varahina roa izy hoentina any Babilôna. 8Raha efa izany, dia nodoran’ny Kaldeanina ny tranon’ny mpanjaka mbamin’ny tranon’ny vahoaka, ary noravany ny mandan’i Jerosalema. Ny vahoaka sisa izay tafajanona tao an-tanàna, mbamin’ireo mpilefa nitolo-tena nanaiky azy; 9ary ny vahoaka sisa tamin’ny tany izay tafajanona teo, dia nentin’i Nabozardàna lehiben’ny mpiambina, ho babo any Babilôna. 10Fa ny olona mahantra sasantsasany, tsy manana na inona na inona, dia navelan’i Nabozardàna, lehiben’ny mpiambina, teo amin’ny tanin’i Jodà, sady nomeny tanimboaloboka aman-tanimboly tamin’izay andro izay izy ireo.
11Nisy didy nomen’i Nabokodonozora, mpanjakan’i Babilôna, an’i Nabozardàna, lehiben’ny mpiambina, ny amin’i Jeremia, nataony hoe: 12«Alaovy izy, ka ataovy andry maso, aza asian-dratsy, fa araka izay lazainy aminao ihany atao aminy.» 13Ary i Nabozardàna lehiben’ny mpiambina, i Nabosezibàna lehiben’ny eonòka, sy i Nergaly-Seresera lehiben’ny majy#39,13 Majy: Olona manan-kaja teo amin’ny Kaldeanina ny Majy; fa noheverin’izy ireo ho mpanandro mahay, amin’ny fijerena ny toetry ny lanitra sy ny fandehan’ny kintana. Ireo Majy izay tonga nitsaoka an’i Jesoa Kristy, dia tsy mba mpanompo sampy, fa olona nino an’Andriamanitra., mbamin’izay rehetra mpanapaky ny mpanjakan’i Babilôna, 14naniraka haka an’i Jeremia, tao an-kianjan’ny fiambenana; dia napetrany tamin’i Godoliasa zanak’i Ahikama zanak’i Safàna izy, hoentiny any an-trano, ka dia nitoetra teo amin’ny vahoaka izy.
Tenin’Andriamanitra momba ny hamonjena an’i Abdemeleka
15Fony i Jeremia mbola voafahy tao an-kianjan’ny fiambenana, dia tonga taminy ny tenin’i Iaveh nanao hoe: 16Mandehana ianao milaza amin’i Abdemeleka Etiôpianina hoe: Izao no lazain’i Iavehn’ny tafika, Andriamanitr’i Israely: Indro Aho hanatanteraka ny teniko momba ity tanàna ity, hampahita loza fa tsy hanasoa, ary dia ho eo imasonao androtr’izay ihany izany. 17Hovonjeko anefa ianao amin’izany andro izany, - teny marin’i Iaveh, - fa tsy ho voatolotra ao an-tanan’ny olona atahoranao. 18Hataoko afaka tokoa ianao ka tsy ho lavon-tsabatra, fa hahazo ny ainao ho babo, satria natoky Ahy ianao, - teny marin’i Iaveh. -
Voafantina amin'izao fotoana izao:
Jeremia 39: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.