Osea 11
11
Sazin’i Israely tsy niraharaha ny fitiavan’Andriamanitra
1Tia an’i Israely Aho fony mbola zaza#11,1 Fony mbola zaza: Fony izy ireo mbola tany Ejipta. izy;
ka hatrany Ejipta nisy fiantsoana nataoko ny zanako.
2Nisy fiantsoana nataoko tamin’izy ireo;
nefa izy niamboho.
Nanolotra sorona amin’ny Baala izy,
sy emboka ho an’ny sampy.
3Ary Izaho nampiana-mandeha an’i Efraima,
sy nitantana azy tamin’ny sandriny,
nefa tsy fantany fa nanolikoly azy Aho.
4Nentiko tamin’ny kofehy fitondrana olona#11,4 Tamin’ny kofehy fitondrana olona: Nentiko tamin’ny fanolokoloana fatratra sy tamin’izay rehetra mety hahazoana hanintona ny fony mba hamaly fitiavana; fa tsy kofehy henjana miridiridy, izay ilaina mba hitarihana na hamolaham-biby, no nitondrako azy (ampitahao amin’ny 2Sam 7,14). izy ireo,
dia tamin’ny fatoran’ny fitiavana;
mova Aho tsy ilay nanainga ny jioga#11,4 Manainga ny jioga: I Iaveh eto, dia manohatra ny Tenany amin’ny tompon’omby malemy fanahy, izay manainga ny jiogan’ny ombiny sy manala ny fehezam-bavany, rehefa avy niasa, mba hahazahoany mihinana tsara. ho azy,
eo ambonin’ny valanoranony,
ary niondrika taminy sy nampihinana azy.
5Tsy hiverina ho any amin’ny tany Ejipta izy;
ary i Asora no ho mpanjakany,
noho izy tsy nety nibebaka.
6Hampandihizana sabatra ao an-tanànany
ka handravaka ny hidiny ary handevona izany,
noho ny fisainan’izy ireo.
Fa ny fitiavan’Andriamanitra no mahery
7Efa tapa-kevitra ny hisaraka amiko ny vahoakako;
nisy niantso azy any ambony,
nefa tsy misy miandrandra maso akory izy ireo.
8Hataoko ahoana no famoy anao, ry Efraima,
na fanolotra anao, ry Israely?
Hataoko ahoana no famela anao ho tahaka an’i Adamà#11,8 Adamà, Seboima: Ireo dia tanàna roa anisan’ny voasarona tamin’ny nandravana an’i Sôdôma sy Gômôra (Jen 14,2; 19,25; Deter 29,23).,
na fampanjary anao ho tahaka an’i Sebôima?
Onena ny foko ato anatiko,
ary indray miontana ny fangorahako rehetra.
9Tsy hanarana ny firehetan’ny hatezerako Aho#11,9 Tsy hanarana...ny hatezerako Aho: Izany hoe, tsy hampanjariko ho tsinontsinona ny vahoaka izay nentiko niala tany Ejipta.,
tsy horavako fanindroany i Efraima#11,9 Tsy horavako fanindroany i Efraima: Tsy hiverina handringana indray an’i Efraima Aho..
Fa Andriamanitra Aho, fa tsy olombelona#11,9 Fa tsy olombelona: Ny tian’i Osea hambara eto dia ny fitiavan’Andriamanitra amin’ny olombelona, noho ny famindram-pony.;
eo afovoanao ilay Masina,
ka tsy ho tonga Aho mitondra ny fisafoahako.
Fiverenana avy any an-tsesitany
10Hanaraka an’i Iaveh izy ireo;
hierona toy ny liona Izy#11,10 Hierona toy ny liona Izy: Ny feon’i Iaveh no lazaina amin’izany, izay feo mahery toy ny an’ny liona, hiantso ireo natao sesitany.,
ka rehefa mierona Izy
dia hidodododo avy any Andrefana amin-kovitra ireo zanany.
11Hidodododo avy any Ejipta izy ireo,
mangovitra toy ny voronkely
ary avy any amin’ny tany Asora toy ny domohina;
ka hamponeniko ao an-tranony,
- teny marin’i Iaveh. -
Voafantina amin'izao fotoana izao:
Osea 11: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.